ლონდონის "ტოტენჰემმა" და "ლიონმა" საფრანგეთის ნაკრების გოლკიპერის და კაპიტნის, ჰუგო ლორისის კონტრაქტი შეათანხმეს. ფრანგული პრესის ინფორმაციით, 31 აგვისტოს, დღის მეორე ნახევარში, მეკარე ლონდონში ჩაფრინდება, სადაც სამედიცინო გამოკვლევას გაივლის და "დეზებთან" პირად კონტრაქტს გააფორმებს.
სატრანსფერო თანხამ 12 მილიონი ევრო შეადგინა, კიდევ 3-4 მილიონ ევროს კი "ლიონი" ლორისის წარმატებული თამაშის შემთხვევაში ბონუსის სახით მიიღებს.
აღსანიშნავია, რომ ადრე "ლიონის" პრეზიდენტი ჟან-მიშელ ოლიასი აცხადებდა, რომ კლუბი გოლკიპერს 20 მილიონ ევროზე ნაკლებ ფასად არ გაყიდიდა.
