ლონდონის "ჩელსის" გოლკიპერი პეტერ ჩეხი "არსენალთან" თავისი გუნდის გამარჯვებით კმაყოფილი დარჩა. ამ გამარჯვებამ ”ლურჯებს” სატურნირო ცხრილში პირველ ადგილზე დარჩენის საშუალება მისცა."ეს ჩემპიონატის მოგების პრეტენდენტთაგან ერთ-ერთთან ჩვენი პირველი შეხვედრა იყო. ასე რომ, ამ შეხვედრაში მოპოვებული სამი ქულა უაღრესად მნიშვნელოვანი იყო.
სამწუხაროა, რომ თამაშში მესამე გოლის გატანა ვერ მოვახერხეთ, კონტრშეტევებზე ხომ კარგად ვმოქმედებდით. დაპირისპირების ბოლო წუთები ძალიან ნერვიული გამოდგა, ცივი გონების შენარჩუნება ვერ მოვახერხეთ.
მთავარია, რომ "ჩელსიმ" სატურნირო ცხრილის სათავეში დარჩენა მოახერხა", - განაცხადა ჩეხმა.
"არსენალი"-"ჩელსის" შეხვედრა "არისტოკრატების" გამარჯვებით, 2:1 დასრულდა.
