"ლივერპულის" კაპიტანი სტივენ ჯერარდი ზაფხულში მხრის ოპერაციას გაიკეთებს.მომავალი ოპერაცია ფეხბურთელის თამაშზე "ლივერპულის" რიგებში მიმდინარე სეზონში გავლენას არ მოახდენს.
თუმცა ჯერარდი ინგლისის ნაკრების ამხანაგურ შეხვედრებში ვერ მიიღებს მონაწილეობას. 29 მაისს ინგლისი ირლანდიას დაუპირისპირდება, ხოლო 2 ივნისს ბრაზილიას.
ოპერაციის შემდეგ მერსისაიდელთა კაპიტანი 6-დან 8 კვირამდე გამოტოვებს, მაგრამ "ლივერპულის" სამედიცინო შტაბი დარწმუნებულია, რომ ინგლისელი ფეხბურთელი ახალი სეზონის მზადების პერიოდამდე გამოჯანმრთელდება.
მომზადებულია The Guardian-ის მიხედვით
