ხესუს ნავასის მომავალთან დაკავშირებით ევროპულ პრესაში დიდი მითქმა-მოთქმა იყო ატეხილი, რადგან 27 წლის მარჯვენა გარემარბს "სევილიაში" დარჩენა აღარ სურდა. მისით "რეალი", "ლივერპული", "დორტმუნდი" და "მანჩესტერ სიტი" იყვნენ დაინტერესებულნი. ესპანური "ასის" ცნობით, ამ ბრძოლაში ინგლისის ექსჩემპიონმა იმარჯვა, ვინც ფეხბურთელს უკვე მოურიგდა პირადი კონტრაქტის დეტალებზე, "სევილიას" კი 30 მილიონი ევროს გადახდა აღუთქვა.
ანალოგიური ცნობა რამდენიმე დღის წინაც გავრცელდა, მაგრამ ანდალუსიურმა კლუბმა მაშინ 25-მილიონიან შეთავაზებაზე უარი თქვა. ესპანელი გარემარბის შეძენის ინიციატორად უმალ მანუელ პელეგრინი მოინათლა. ჩილელი სპეციალისტი ხომ "ქალაქელებს" უახლოეს დღეებში ჩაიბარებს.
ყოველდღიური
ასევე იხილეთ:
"მანჩესტერ სიტი" ხესუს ნავასში 30 მილიონს იხდის
