ვიდრე სესკ ფაბრეგასს "მანჩესტერ იუნაიტედის" ფორმაში არ ვიხილავთ, დაჯერება გაგვიჭირდება. თუმცა კი "დეილი მეილი" წერს, რომ 26 წლის ესპანელი, "არსენალის" ყოფილი კაპიტანი და ლეგენდა, მზად არის, კარიერა "ოლდ ტრეფორდზე" განაგრძოს. თანაც ტაბლოიდი ხაზს უსვამს, რომ ფეხბურთელს ეს მყარად აქვს გადაწყვეტილი. ინფორმაციის წყარო ესპანელის მეგობრები არიან. როგორც ჩანს, "ეშმაკებმა" საბოლოოდ ფსონი მასზე დადეს, რადგან სესკის ალტერნატივად ევერტონელი მარუან ფელაინი განიხილებოდა.
ცნობილია, რომ "ბარსელონამ" "მანიუს" სატრანსფერო შეთავაზება უკვე ორჯერ უარყო. მიუხედავად ამისა, პრემიერლიგის ჩემპიონი დანებებაზე არ ფიქრობს. ბოლო 7 წლის განმავლობაში მიღწეული
"დეილი მეილის" წყარო ამტკიცებს, რომ ნახევარმცველი ხელმძღვანელობას უახლოეს დღეებში მიმართავს ტრანსფერზე დაყენების მოთხოვნით. ცნობილია, რომ "იუნაიტედი" ფაბრეგასში 30 მილიონ ფუნტს იხდის, უშუალოდ ფეხბურთელს კი კვირაში 200 ათასს სთავაზობს, ზუსტად ორჯერ მეტს, ვიდრე მას "კამპ ნოუზე" უხდიან.
თუმცა ვეჭვობთ, რომ სესკისთვის ეს იყოს გადამწყვეტი ფაქტორი. ყველაზე მნიშვნელოვანი მისთვის სათამაშო პრაქტიკაა. "ოლდ ტრეფორდზე" მას ამის პრობლემა არ შეექმნება. თვალის ერთი გადავლებაც კი საკმარისია იმის სათქმელად, რომ "ეშმაკების" შემადგენლობაში არ მოიძებნება მოთამაშე, ვინც სესკს რეალურ კონკურენციას გაუწევს. "ბარსაში" კი ის ჩავისა და ინიესტას კომპანიაში შეზღუდულია. არც იმის გამორიცხვა შეიძლება, ფაბრეგასს რობინ ვან პერსის გვერდით თამაშის სურვილი ჰქონდეს, ვისთან ერთადაც მას "არსენალში" 7 წელი გაუტარებია.
"დეილი მეილს" მოგვიანებით "ბარსელონას" ვიცე-პრეზიდენტმა ხოსეპ ბარტომეუმ უპასუხა: "მანჩესტერ იუნაიტედის" ინტერესი ერთია, მაგრამ ჩვენ ფეხბურთელის გაყიდვას არ ვაპირებთ. ხელმძღვანელობასა და გუნდის ახალ თავკაცს (ხერარდო მარტინო. რედ) მისი ერთნაირად გვეიმედება".
ყოველდღიური სპორტული გაზეთი "ლელო"
ასევე იხილეთ:
"ბარსელონას" ვიცე-პრეზიდენტი ხოსეპ ბარტომეუ: სესკ ფაბრეგასი არ იყიდება!
