"ფულჰემის" 33 წლის მცველმა იონ არნე რიისემ არ გამორიცხა, რომ იანვრის სატრანსფერო ფანჯრის გახსნისთანავე "ლილესტრიომთან" გააფორმოს კონტრაქტი. ვეტერანი ნორვეგიელი სამშობლოდან შორეულ 1998 წელს წავიდა უცხოეთში სათამაშოდ, კონკრეტულად ინგლისში კი 9 წელი აქვს გატარებული. ნოსტალგიის გარდა, მას სხვა მიზეზიც აქვს ამ ნაბიჯის გადასადგმელად: "ლილესტრიომში" ის უმცროსი ძმის, 30 წლის ბიორნ ჰელგე რიისეს გვერდით ითამაშებს.
"უცხოეთში ცხოვრების ნახევარი გავატარე და მგონი, დადგა დრო სახლში დასაბრუნებლად. ახალი კლუბი ახალი გამოწვევა იქნება ჩემთვის. ვგრძნობ, რომ 4-5 წელი კიდევ შემიძლია ფეხბურთის თამაში," - თქვა ფეხბურთელმა,
ყოველდღიური სპორტული გაზეთი "ლელო"
