რამდენჯერ მოგისმენიათ ფრაზები: ჩაწყობა ყველგან არის, მაგრამ ინგლისში გამორიცხულია... თუნდაც იმიტომაა ინგლისური ფეხბურთი ყველაზე მაგარი, რომ იქ თამაშები არ ეწყობა - და სხვა მსგავსი მიამიტური ფრაზები? ვაი, რომ ყველგან ეწყობა და კრიმინალურმა სინდიკატმა "კუნძულზეც" დიდი ხანია შეაღწია. როგორც ჩანს, მატჩების ჩაწყობასთან დაკავშირებული ახალი დიდი სკანდალი გორდება. ბრიტანეთის კრიმინალთან ბრძოლის სააგენტომ 6 ეჭვმიტანილი დააკავა, რომელთაგანაც მინიმუმ 3 ფეხბურთელია. ერთ-ერთი მათ შორის ყოფილი მოთამაშე, შემდეგ კი საფეხბურთო აგენტი დელროი ფეისია. ახლა ეს 33 წლის ყომარბაზი ყველაზე არასასიამოვნო "ფეისია" საფეხბურთო სამყაროში.
აქაც ვერ
პერუმალი მსოფლიოს მასშტაბით უწევდა მატჩების ჩაწყობას ორგანიზებას და იგი ერთი წელი ფინეთში იჯდა ციხეში, შემდეგ კი უნგრეთის მთავრობას გადააბარეს.
"ინგლისში ფასები ძალიან მაღალია - ჩვეულებრივ ფეხბურთელზე 70 ათასი გირვანქა. ვეუბნები, რამდენი გოლი მინდა, მაგალითად, ხუთი მაინც... ან 4 ჩემთვის საკმარისი იქნება, ანდაც ზუსტი ანგარიში მჭირდება - 4:0. ასევე ვეუბნები, რომ მაგალითად, პირველი ტაიმი 0:0 ან 1:1 უნდა დასრულდეს, ორი გოლი მაქსიმუმია, მთლიანობაში მატჩი კი, სიტყვაზე, 3:1, 4:0 ან 2:2" - ამბობს აზიელი ინფორმატორი.
სახალისოა ისიც, რომ თუ მოსყიდული ფეხბურთელი შეხვედრის დასაწყისში ყვითელ ბარათს მიიღებს, ეს იმის ნიშანია, რომ ყველაფერი გეგმის მიხედვით იქნება და ის ბონუსად 5 ათას გირვანქას დაიმსახურებს.
ერთი სიტყვით, ყველა დეტალი გათვლილია, სხვადასხვა მინიშნება გაწერილია და მათი წყალობით დაკავებულ პირს რამდენიმე თამაშში გოლების რაოდენობა წინასწარ ზუსტად გამოუცნია.
დეტალური ინფორმაცია, ცხადია, ჯერ გასაიდუმლოებულია. სამართალდამცავები ინგლისის ფეხბურთის ასოციაციასთან ერთად გამოძიებას აგრძელებენ. საქმის გაფუჭება კრიმინალებს ძირიდან დაუწყიათ და მაგალითად, ცნობილია ის, რომ ქვედა ლიგაში თამაშის ჩაწყობა სულ რაღაც 50 ათას გირვანქადაა შესაძლებელი. მსაჯის მოსყიდვა ბრიტანეთში თურმე 20 ათასად ფასობს.
ჩაწყობა, ძირითადად, ყველაზე მარტივი ხერხით ხდება - მოსყიდული ფეხბურთელი ან ფეხბურთელები ეხმარებიან მეტოქეს გოლის გატანაში, რადგან ის შედეგი მიიღონ, რაც მათ დავალებული აქვთ. ყველაზე ადვილი ჩასაწყობი ე.წ. მეტ-ნაკლებობა, ანუ გოლების რაოდენობა ყოფილა.
ამჟამად საფეხბურთო მატჩების ჩაწყობასთან დაკავშირებით, მსოფლიოს მასშტაბით, 60-ზე მეტ ქვეყანაში მიმდინარეობს გამოძიება.
ყოველდღიური სპორტული გაზეთი "ლელო"
ასევე იხილეთ:
ბრიტანეთში მატჩების ჩაწყობისთვის ფეხბურთელები დაიჭირეს [VIDEO]
