"მანჩესტერ იუნაიტედის" მარჯვენა ნახევარმცველმა ანტონიო ვალენსიამ, შარშანდელთან შედარებით, მიმდინარე სეზონში თამაში აშკარად გამოასწორა. 28 წლის ეკვადორელმა ამ დღეებში საკლუბო ჟურნალს მისცა მცირე ინტერვიუ, რომელსაც ქვემოთ გთავაზობთ.
- მოიესი თქვენს თამაშს ხშირად დადებითად აფასებს. თავად რას ფიქრობთ?
- მეც კმაყოფილი ვარ. ბევრს ვშრომობ, რათა ჩემი საქმე მაქსიმალურად კარგად ვაკეთო. ჩემი აზრით, მარტო მე კი არა, მთლიანად გუნდიც აღმავლობის გზას ადგას. მნიშვნელოვანია, რომ ამჟამინდელი ფორმა დიდხანს შევინარჩუნოთ.
- ხშირად უსვამთ ხაზს, რომ შარშანდელი სეზონით ძალიან უკმაყოფილო დარჩით.
- დიახ, რადგან 2011/12 წლებში
- სათამაშო ნომერი შეიცვალეთ. ამანაც ხომ არ შეგიწყოთ ხელი?
- ეს არ გამიკეთებია არც ცრურწმენის და არც იმის გამო, რომ პასუხისმგებლობას გავურბივარ ("იუნაიტედში" 7 ნომრად ყოველთვის დიდი ფეხბურთელები თამაშობდნენ და მას განსაკუთრებული ფასი აქვს. რედ). უბრალოდ, როცა მანჩესტერში ჩამოვედი, 25 ნომერმა წარმატება მომიტანა და ამიტომაც მოვისურვე მისი დაბრუნება.
- მოიესის მუშაობის სპეციფიკა თუ აისახა თქვენს თამაშზე?
- მე მხოლოდ იმას ვცდილობ, რომ დავალებები შევასრულო. ცხადია, მოიესს ფეხბურთი თავისებურად ესმის და ყველაზე მეტად ესწრაფვის, რომ ერთიან ორგანიზმად გვაქციოს. პირადად ჩემი ფუნქციები ნამდვილად არ შეცვლილა.
- "იუნაიტედში" ლიდერობას მიჩვეულები ხართ. ამჟამინდელ მდგომარეობას როგორ ეგუებით?
- მტკივნეული შეგრძნებაა. ამხელა ჩამორჩენა ქულების სულელურად კარგვის ბრალია. უახლოეს შეხვედრებში მაქსიმალური ქულები უნდა ავიღოთ და ლიდერთა ჯგუფს აუცილებლად მივუახლოვდებით. შობის შემდგომი პერიოდი უმნიშვნელოვანესი იქნება ჩვენთვის.
- როგორ უნდა დაასრულოს გუნდმა სეზონი, რომ მას წარმატებული ეწოდოს?
- ტრადიციულ პასუხს გაგცემთ: უნდა მოვიგოთ რაც შეიძლება მეტი ტიტული. სხვა მიზანი "იუნაიტედს", უბრალოდ, ვერ ექნება.
ყოველდღიური სპორტული გაზეთი "ლელო"
