ესპანური პრესის ინფორმაციით, "ბარსელონას" ყოფილი მეკარე ვიქტორ ვალდესი ჯერ კიდევ იმედოვნებს, რომ "მანჩესტერ იუნაიტედთან" შეძლებს კონტრაქტის გაფორმებას.შეგახსენებთ, რომ ესპანეთის ნაკრების ყოფილმა გოლკიპერმა გასულ ზაფხულს კონტრაქტის გახანგრძლივება არ ისურვა კატალონიურ გრანდთან, სადაც მთელი თავისი კარიერა გაატარა. ვალდესს ახალი კლუბის მოძებნაში ხელი ტრავმამ შეუშალა, ბოლო თვეების განმავლობაში კი ფორმის აღსადგენად "მანჩესტერ იუნაიტედში" ვარჯიშობდა.
აქვს თუ არა ვალდესს მომავალი "მანჩესტერ იუნაიტედში", ეს მხოლოდ ინგლისური გუნდის მთავარმა მწვრთნელმა ლუის ვან გაალმა უწყის, რომელიც ჯერჯერობით არაფერს ამბობს. ცნობისთვის, ჰოლანდიელ სპეციალისტსა ვალდესთან ერთად "ბარსელონაშიც" უმუშავია.
