ლონდონის "ჩელსის" მთავარმა მწვრთნელმა ჟოზე მოურინიომ "ნიუკასლთან" (1:2) ინგლისის პრემიერლიგის მე-15 ტურის მატჩის შემდეგ განაცხადა, რომ უკმაყოფილოა მეტოქის საქციელით."ჩემს გუნდებსაც გაჰყავდათ დრო ნებისმიერი ხერხით? სისულელეა. "ნიუკასლის" მიერ დროის გაყვანა თუ ნორმალურია, მაშინ გამოვიყვანოთ მოედანზე ძროხა და შემდეგ მატჩი გავაჩეროთ, რადგან მოედანზე ძროხა გამოვიდა.
შეგიძლია 10 კაცით დაიცვა თავი, თუნდაც ყველა ფეხბურთელი დაცვაში დააყენო ან ავტობუსი ჩადგა კარში, მაგრამ ფეხბურთი არის ბურთით თამაში. ორი ბურთით და ბურთის გარეშე კი არა, არამედ ერთი ბურთით. შეგიძლია მოგებისთვის ყველაფერი გააკეთო, რაც შენს ძალებშია,
ხოლო "ნიუკასლთან" შეხვედრაში ბურთი მოედანზე პერიოდულად, უბრალოდ, არ იყო. ეს გუნდის დინამიკას კლავს, რომელსაც გოლი აქვს გასატანი", - თქვა მოურინიომ.
მომზადებულია ESPN-ის მიხედვით
ასევე იხილეთ:
ინგლისი. პრემიერლიგა. XV ტური: მოურინიო ნიუკასლში ვერ იგებს [VIDEO]
