პრემიერლიგა. XVII ტური: ერთი "მანჩესტერი" იგებს, მეორე ვერა [VIDEO]

20 დეკემბერს ინგლისის პრემიერლიგის მე-17 ტურის 7 მატჩი გაიმართა. "მანჩესტერ იუნაიტედმა" ფრედ ითამაშა "ასტონ ვილასთან" - 1:1. ამით ლუი ვან გაალის გუნდმა 6-მატჩიანი მოგებათა სერია შეწყვიტა. მასპინძლები კრისტიან ბენტეკეს ბრწყინვალე გოლით დაწინაურდნენ, თუმცა "იუნაიტედი" მარცხისგან რადამელ ფალკაომ იხსნა თავურით. გაბრიელ აგბონლაჰორის გაძევების მიუხედავად, "ასტონ ვილამ" ქულა შეინარჩუნა.

ლუი ვან გაალი (იუნაიტედი): "ძალიან იმედგაცრუებული ვარ, ცუდად დავიწყეთ თამაში, მეორე ტაიმში უკეთ ვითამაშეთ, მაგრამ "იუნაიტედი" ისე ეფექტური არ იყო, როგორც წინა თამაშებში".

ჩემპიონმა "მანჩესტერ სიტიმ" 3:0 გაანადგურა "კრისტალ პალასი", დუბლი შეასრულა ესპანელმა

დავიდ სილვამ, ერთი გოლიც მისი წამოწყებული კონტრშეტევით იაია ტურემ გაიტანა.

ამით მანუელ პელეგრინის გუნდი ქულებით დაეწია "ჩელსის", რომელსაც თავისი მატჩი ამ ტურში ჯერ არ უთამაშია.

მანუელ პელეგრინი (სიტი): "ეს იყო გუნდის კარგი თამაში და გამარჯვება. ბიჭები მთელი კვირა კარგად შრომობდნენ. დავიდ სილვა კი ტოპკლასის ფეხბურთელია. ჩვენ დავამტკიცეთ, რომ "სიტი" მხოლოდ სერხიო აგუერო არ არის".

მანჩესტერ სიტი-კრისტალ პალასი 3:0
გოლები: 1:0 დ. სილვა (49), 2:0 დ. სილვა (61), 3:0 ი. ტურე (81)

ასტონ ვილა-მანჩესტერ იუნაიტედი 1:1
გოლები: 1:0 ბენტეკე (18), 1:1 ფალკაო (53)

ჰალი-სუონსი 0:1
გოლი: 0:1 კი (15)

ქპრ-ვესტ ბრომვიჩი 3:2
გოლები: 0:1 ლესკოტი (10), 0:2 ვარელა (20), 1:2 ოსტინი (24-პენ), 2:2 ოსტინი (48), 3:2 ოსტინი (86)

საუთჰემპტონი-ევერტონი 3:0
გოლები: 1:0 ლუკაკუ (38 ს.კ.), 2:0 პელე (65), 3:0 იოშიდა (82)

ტოტენჰემი-ბარნლი 2:1
გოლები: 1:0 კეინი (21), 1:1 ბარნსი (27), 2:1 ლამელა (35)

ვესტ ჰემი-ლესტერი 2:0
გოლები: 1:0 კეროლი (24), 2:0 დაუნინგი (56)

1. ჩელსი - 39 ქულა; 2. მანჩესტერ სიტი - 39; 3. მანჩესტერ იუნაიტედი - 32; 4. ვესტ ჰემი - 31; 5. საუთჰემპტონი - 29.