"მანჩესტერ იუნაიტედის" ნახევარმცველით, ხუან მატათი მადრიდის "ატლეტიკო" დაინტერესდა, იტყობინება The Sun-ი.წყაროს ცნობით, მადრიდული კლუბი 26 წლის ესპანელი ფეხბურთელის შეძენას ზაფხულის სატრანსფერო ფანჯრის დროს შეეცდება.
მატამ მიმდინარე სეზონში "წითელი ეშმაკების" მაისურით ყველა ტურნირში 22 მატჩი ჩაატარა, სადაც 6 გოლი გაიტანა და 3 საგოლე გადაცემა გააკეთა.
შეგახსენებთ, რომ ესპანელი ნახევარმცველი "მანჩესტერ იუნაიტედში" ლონდონის "ჩელსიდან" გადავიდა, მისი ტრანსფერის ფასი კი დაახლოებით 37 მილიონი ფუნტი იყო.
