პრემიერლიგის ბოლოადგილოსანი "ლესტერის" მთავარი მწვრთნელი ნაიჯელ პირსონი ჟურნალისტებს ხუმრობით გაუბრაზდა - თქვენ გარდა, ჩემ მოხსნაზე არავინ საუბრობს და რატომ ამომიჩემეთ და გადამეკიდეთო..."მელიების" ცუდ შედეგებს ეს სპეციალისტი უიღბლობასაც აბრალებს და თავდაჯერებულია, რადგან როგორც ხელმძღვანელობის ქმედებებიდან ვხედავთ, მას სრული კარტბლანში აქვს.
"მათ არ უნდათ ჩემი გაშვება. ასე რომ, ისევ აქ ვარ. დღეს უფროსობასთან ლანჩი მქონდა და ყველაფერზე ვილაპარაკეთ. ჩემი ურთიერთობა მათთან ისევ ძალიან კარგია, როგორც პროფესიონალურ, ასევე პირად დონეზე" - აღნიშნა პირსონმა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
