"ევერტონისა" და ირლანდიის ნაკრების მცველმა შეიმუს კოულმენმა, შესაძლოა, ზაფხულის სატრანსფერო ბაზრისას კლუბი შეიცვალოს. 26 წლის ფეხბურთელის გადაბირებით დაინტერესებულია მიუნხენის "ბაიერნი", - ირწმუნება Sunday People-ი. ამ ფეხბურთელზე პრეტენზიას ასევე "მანჩესტერ იუნაიტედი" აცხადებს.
კოულმენი "ევერტონში" 2009 წლიდან თამაშობს. მისი მოქმედი კონტრაქტი ლივერპულურ კლუბთან 2019 წლის ზაფხულამდეა ძალაში. წლევანდელ პრემიერლიგაში ირლანდიელმა 22 მატჩში ორი გოლი გაიტანა და ორი საგოლე პასი შეასრულა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
