9 მარტს გამართულ ინგლისის თასის 1/4-ფინალში ლონდონის "არსენალმა" სტუმრად "მანჩესტერ იუნაიტედს" მოუგო და ტურნირის ნახევარფინალში გავიდა. მანჩესტერში გამართული შეხვედრა არსენ ვენგერის გუნდის გამარჯვებით, ანგარიშით 2:1 დასრულდა.
ლონდონელები ანგარიშში 25-ე წუთზე დაწინაურდნენ, როდესაც ალექს ოქსლეიდ-ჩემბერლენის გადაცემით ნაჩო მონრეალმა ისარგებლა. ოთხ წუთში ანხელ დი მარიას პასი უეინ რუნიმ თავურით დააგვირგვინა და წონასწორობა აღადგინა, თუმცა დენიელ უელბეკის მიერ 61-ე წუთზე გატანილი გოლი სტუმართათვის გამარჯვების მომტანი აღმოჩნდა.
აღსანიშნავია, რომ 77-ე წუთიდან "წითელი ეშმაკები" კაცნაკლულნი დარჩნენ ანხელ დი მარიას გაძევების გამო.
ამრიგად, "არსენალი" ინგლისის თასის ნახევარფინალში 28-ედ ითამაშებს, რაც სარეკორდოა.
შეგახსენებთ, რომ ინგლისის თასის ნახევარფინალის საგზური მანამდე ბირმინგემის "ასტონ ვილამ" გაინაღდა, კიდევ ორ წყვილში კი გამარჯვებულებს გადათამაშება გამოავლენს. 16 მარტს "ლივერპული" სტუმრად "ბლექბერნს" დაუპირისპირდება, "რედინგი" კი "ბრედფორდ სიტის" მიიღებს.
10:20 10-03-2015
ინგლისის თასი. 1/4-ფინალი: "მანჩესტერ იუნაიტედი" შინ "არსენალთან" დამარცხდა [VIDEO]
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
ასევე დაგაინტერესებთ
უძრავი ქონება
107.00 k
150.00 k
სიახლეები
პოპულარული
