"მანჩესტერ იუნაიტედისა" და ინგლისის ნაკრების ყოფილი ნახევარმცველი პოლ სქოულზი მიიჩნევს, რომ მიუნხენის "ბაიერნის" მთავარი მწვრთნელი ხოსეპ გვარდიოლა, დიდი ალბათობით, "მანჩესტერ სიტის" გაწვრთნის. სქოულზს ასეთი პროგნოზის საფუძველს მანჩესტერში გავრცელებული ხმები აძლევს.
"ყველაფერი, რაც მანჩესტერში მესმის, მიანიშნებს, რომ "სიტის" გვარდიოლა ჩაიბარებს, როდესაც მას "ბაიერნთან" კონტრაქტის ვადა ამოეწურება", - აქვეყნებს სქოულზის ნათქვამს Independent-ი.
შეგახსენებთ, რომ გვარდიოლას ხელშეკრულება გერმანულ გრანდთან ძალაში 2016 წლამდეა.
ამასთან, სქოულზი ფიქრობს, რომ დორტმუნდის "ბორუსიის" თავკაცი იურგენ კლოპი, რომელიც სეზონის დასრულების შემდეგ კლუბს დატოვებს, პრემიერლიგაში წარმატებას მიაღწევდა.
![ასე დასცინეს გვარდიოლას "ტოტენჰემის" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]](/pictures/image7/dae53d15a7ea3ed2658a0515f50a9770.png "ასე დასცინეს გვარდიოლას \"ტოტენჰემის\" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]")
