პრემიერგლიგა. XXXIV ტური: აგუერო პირველია, "სიტი" - მეორე [VIDEO]

25 აპრილს ინგლისის პრემიერლიგის 34-ე ტურის 8 შეხვედრა გაიმართა.

"მანჩესტერ სიტიმ" "ასტონ ვილას" უმასპინძლა, 3:2 მოუგო და პრემიერლიგაში მეორე ადგილზე გადავიდა, თუმცა მდევარ "არსენალს" ორი თამაშით ნაკლები აქვს გამართული, ხოლო "მანჩესტერ იუნაიტედს" - ერთით.

შეხვედრის დებიუტში თავი სერხიო აგუერომ გამოიჩინა. 66-ე წუთზე "სიტის" უპირატესობა ალეკსანდარ კოლაროვმა გააორმაგა. ამის შემდეგ ტიმ შერვუდის გუნდმა გაიბრძოლა - ტომ კლევერლის და კარლოს სანჩესის გოლებით გაათანაბრა.

გამარჯვება მანუელ პელეგრინის გუნდს ფერნანდინიომ მოუტანა 89-ე წუთზე. სერხიო აგუერომ პრემიერლიგაში 21-ე გოლი გაიტანა და ამ მაჩვენებლით პირველ ადგილზე გადავიდა. ჰარი კეინს 20 გოლი რჩება, მან "საუთჰემპტონთან" მატჩში მხოლოდ საგოლე პასი მიითვალა.

მანუელ პელეგრინი (სიტი): "დღეს არც ისე კარგად ვითამაშეთ, მაგრამ გუნდმა აჩვენა საბრძოლო განწყობა და ბოლომდე მოსაგებად იომა იმის მიუხედავად, რომ მეტოქემ თამაშის ბოლოსკენ გაათანაბრა. შედეგი ყოველთვის უფრო მნიშვნელოვანია, ვიდრე თამაშის ხარისხი".

"საუთჰემპტონისა" და "ტოტენჰემის" დაპირისპირებას ევროსაგზურებისთვის ბრძოლაში დიდი მნიშვნელობა ჰქონდა, საბოლოოდ ფრე - 2:2.

"წმინდანები" 29-ე წუთზე გრაციანო პელემ დააწინაურა, მაგრამ იტალიელს მალევე ერიკ ლამელამ უპასუხა გოლით. 65-ე წუთზე პელემ კვლავ დააწინაურა რონალდ კუმანის გუნდი, მაგრამ ნასერ შადლიმ ხუთ წუთში გაათანაბრა.

მართალია, მარიო ბალოტელი ნოემბრის მერე პირველად მოხვდა "ლივერპულის" სასტარტო შემადგენლობაში, მაგრამ ამან "წითლებს" ვერ უშველა, ისინი სტუმრად "ვესტ ბრომვიჩთან" მატჩში ქულას გამორჩნენ - 0:0.

სტივენ ჯერარდმა პრემიერლიგაში მე-500 მატჩი ითამაშა, ის მე-12 ფეხბურთელია, ვინც 500-მატჩიან ზღვარს მიაღწია.

სხვა მატჩებიდან აღვნიშნავთ დამე ნდოიეს დუბლს, რომლის წყალობითაც "ჰალმა" სტუმრად 2:0 დაამარცხა "კრისტალ პალასი".

ამასობაში ჩემპიონშიპში მოასპარეზე "უოტფორდმა" 88 ქულა დააგროვა და პრემიერლიგაში თამაშის უფლება ნაადრევად დაიბევა. "უოტფორდი" პრემიერლიგიდან 2007 წელს გავარდა.

საუთჰემპტონი-ტოტენჰემი 2:2
გოლები: 1:0 პელე (29), 1:1 ლამელა (43), 2:1 პელე (65), 2:2 შადლი (70)

ბარნლი-ლესტერი 0:1
გოლი: ვარდი (60)
შენიშვნა: ტეილორმა (ბარნლი) ვერ გაიტანა პენალტი - 59

კრისტალ პალასი-ჰალი 0:2
გოლები: 0:1 ნდოიე (51), 0:2 ნდოიე (92)

ნიუკასლი-სუონსი 2:3
გოლები: 1:0 ა. პერესი (20), 1:1 ოლივეირა (45), 1:2 სიგურდსონი (49), 1:3 კორკი (71), 2:3 დე იონგი (87)

ქპრ-ვესტ ჰემი 0:0

სტოკი-სანდერლენდი 1:1
გოლები: 0:1 უიკჰემი (1), 1:1 ადამი (27)

ვესტ ბრომვიჩი-ლივერპული 0:0

სიტი-ასტონ ვილა 3:2
გოლები: 1:0 აგუერო (3), 2:0 კოლაროვი (66), 2:1 კლევერლი (68), 2:2 სანჩესი (85), 3:2 ფერნანდინიო (89)

1. ჩელსი - 76 ქულა; 2. სიტი - 67; 3. არსენალი - 66; 4. იუნაიტედი - 65; 5. ლივერპული - 58.