ედენ აზარი პრემიერლიგის წლის საუკეთესო ფეხბურთელად დაასახელეს და ვერავინ იტყვის რომ უსამართლოდ. 24 წლის ბელგიელი წინა წელს საუკეთესო ახალგაზრდა გახდა და მომავალში მსოფლიოს საუკეთესოობას უმიზნებს. აზარის დახვეწილი თამაში დიდწილად განაპირობებს კიდეც "ჩელსის" გაჩემპიონებას და მისი პროგრესიც აშკარაა. ყველაზე საინტერესო ის გახლავთ, რომ აზარი დიდი გამოცდილების მქონე და დიდი ხნის დაღვინებული ფეხბურთელივით უძღვება ლონდონელთა თამაშს და ასე თუ გააგრძელებს, მას მართლაც მალე ვიხილავთ "ოქროს ბურთის" საფუძვლიან მაძიებელთა რიგებში.
იქამდე კი ამ აღიარების შემდეგ, აზარის მიერ მიცემულ პირველ ბლიცინტერვიუს გთავაზობთ.
- ედენ
- მადლობა. ძალიან ბედნიერი ვარ. ეს ჩემთვის ძალიან სასიამოვნოა და მიხარია, რომ კარგი თამაში დამიფასდა. ზოგადად "ჩელსი" თამაშობს კარგად და გუნდის წარმატება მახარებს. მსურს, რომ ერთხელაც მსოფლიოს საუკეთესო ვიყო. არ ვიცი ამჯერად რამდენად მეკუთვნოდა საუკეთესოდ დასახელება, მაგრამ აღიარება სასიამოვნო ნამდვილად არის.
- ალბათ ორმაგად სასიამოვნოა, როდესაც სხვა ფეხბურთელები გაღიარებენ საუკეთესოდ...
- ეს ძალიან კარგია და უფრო სასიხარულოა, როდესაც სხვა ფეხბურთელი გამოგარჩევს. მოთამაშეები ყველაფერს უკეთ ხედავენდა აფასებენ. როგორც უკვე აღვნიშნე, ძალიან ბედნიერი ვარ.
- ერთი წლის წინათ თქვენ საუკეთესო ახალგაზრდა მოთამაშე გახდით, ახლა წლის მოთამაშე... რა არის თქვენი წარმატების და ასეთი სწრაფი ზრდის საიდუმლო?
- ჩვენ თითქმის ჩემპიონები ვართ და შესაძლოა, მთავარი მიზეზი ჩემი გამორჩევისა ეს არის. წინა სეზონში ჩვენ მესამეზე გავედით, ახლა კი ჩემპიონობის კარგი შანსი გვაქვს და უკეთ გამოვიყურებით.
- ინდივიდუალურ დონეზე თუ გრძნობთ და ფიქრობთ, რომ მოუმატეთ?
- მე ისეთივე შემართებით ვაგრძელებ თამაშს, როგორც ეს წინა სეზონში იყო. ვცდილობ ძველებური აზარი დავრჩე, მაგრამ უფრო მეტი სარგებელი მოვუტანო გუნდს. დიახ, მიმაჩნია, რომ კარგი სეზონი მაქვს და არაერთხელ გამოვიჩინე თავი დიდ მატჩებში და საჭირო მომენტებში. საკმაოდ ბევრი გოლიც გავიტანე და ალბათ ეს ყველაფერი არის მიზეზი იმისა, რომ საუკეთესოდ მაღიარეს.
- დიდი მატჩები და მნიშვნელოვანი მომენტები ახსენეთ და განსაკუთრებით რომელს გამოარჩევდით?
- გამოსარჩევი ბევრი გვქონდა, მაგრამ ცხადია, პირველ რიგში "მანჩესტერ იუნაიტედთან" ცოტა ხნის წინ გამართულ მატჩს გამოვარჩევ, სადაც გამარჯვების გოლი გავიტანე და ეს ძალიან კარგია.
- შეგიძლიათ თქვენი სეზონი ერთი სიტყვით დაახასიათოდ?
- ერთი სიტყვით? (პაუზა) არ მინდა ვთქვა საოცარი, რადგან სეზონი ჯერ არ დასრულებულა... თითქმის საოცარი (იცინის).
ყოველდღიური სპორტული გაზეთი "ლელო"
