"მანჩესტერ იუნაიტედი" მზად არის, 25 მილიონ გირვანქაზე მეტი დაკარგოს და პრინციპულად არ დათმოს დავიდ დე ხეა. საქმე ისაა, რომ "წითელი ეშმაკები" და მადრიდის "რეალი" სერხიო რამოსისა და დე ხეას თაობაზე მოლაპარაკებებში ჩიხში შევიდნენ. "სამეფო გუნდს" რამოსის დათმობა დიდად არ სურს. მანჩესტერელებმა ექსსევილიელის თაობაზე ორი წინადადებით მიმართეს მადრიდელებს. მათ შორის ბოლო 28,6-მილიონიანი შეთავაზება იყო, რომელიც ესპანურმა გრანდმა უარყო.
თავის მხრივ, "ოლდ ტრაფორდის" ბინადრებს დე ხეას გაშვება არ ეხალისებათ და ულტიმატუმიც მოუმზადებიათ, თუ რამოსს არ დათმობთ, დე ხეაც დაივიწყეთო. არადა, კულუარულ ცნობებს
თანაც, მას მანჩესტერელებთან ერთწლიანი კონტრაქტიღა დარჩა და თუ ახლა არ გაუშვებენ, დიდი ალბათობით, თავადაც დაიჟინებს და, რაც არ უნდა შესთავაზონ, მოიცდის და მომავალ ზაფხულს უფასოდ წავა.
რამოსს კი "რეალზე" აქვს გული აცრუებული და ამიტომაც "სანტიაგო ბერნაბეუს" შესაძლო დატოვებას სერიოზულად განიხილავს.
ისიც კი ითქვა, თუ სერხიო წავა, მხოლოდ "მანჩესტერშიო", ასეთი განწყობა აქვსო.
არის სხვა ვერსიაც, რომლის მიხედვითაც, რამოსის მხრიდან ეს უბრალო ხრიკია და ამ ხერხით ცდილობს, "რეალს" უფრო კარგი კონტრაქტი და ხელფასი დასტყუოს.
ყოველდღიური სპორტული გაზეთი "ლელო"
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
