"ვესტ ჰემმა" პირველი საშინაო მატჩი მოიგო. სლავენ ბილიჩის ბიჭებმა "ნიუკასლი" დაჩაგრეს. სტივ მაკლარენის გუნდი ისევ ძალიან უსუსური გახლდათ და 5 ტურის მერე მოუგებლად რჩება, "სანდერლენდისა" და "სტოკისა" არ იყოს. "ჩაქუჩებს" დიმიტრი პაიემ მოაგებინა, რომელმაც ანგარიში მშვენიერი კომბინაციის მერე ლამაზი დარტყმით გახსნა, ხოლო მეორე დამატებაზე გაიტანა, მას მერე, რაც, ვიქტორ მოზესმა დიდებული სოლო-რეიდის შემდეგ ხარიხას გაარტყა.
"ჩელსიდან" ნათხოვარმა მოზესმა პირველ გოლშიც მიიღომ მონაწილეობა, რამდენჯერმე საუცხოო ფინტი შემოგვთავაზა და მართალია, თავად ვერ გაიტანა, მაგრამ არაერთამა ავტორიტეტულმა გამოცემამ მატჩის საუკეთესო ფეხბურთელად სწორედ მოზესი
"ჩვენ ნამდვილად დავიმსახურეთ ეს 3 ქულა, რადგან თავიდანვე ძალიან კარგად ვთამაშობდით და გოლებიც მშვენიერი გავიტანეთ, თანაც საჭირო დროს. ამაყი ვარ, ეს ძალიან მნიშვნელოვანი მოგება გხლდათ ბიჭებისთვის, სტადიონზე შეკრებილი ფანები გავახარეთ" - თქვა სლავენ ბილიჩმა.
სტივ მაკლარენი: "ვფიქრობ, ეს ყველასთვის გამოღვიძების მანიშნებელი სიგნალი უნდა იყოს. ცუდად გამოვიყურებოდით და დროა, თამაში გამოვასწოროთ".
"ნიუკასლს" შემდეგი მატჩი "სენტ ჯეიმს პარკზე" "უოტფორდთან" აქვს და ეს შეხვედრა აუცილებლად უნდა მოიგოს თორემ მერე "ჩელსისთან" და "სიტისთან" თამაშებია...
* ჩემპიონატში ჩატარებული ბოლო 13 მატჩში (პრემიერლიგასა და ლიგა ერთში) პაიემ 11 გოლში მიიღო მონაწილეობა - 4 თავად გაიტანა და 7 საგოლე პასი გააკეთა. * "ნიუკასლმა" უკვე მეოთხე შეხვედრაში ვერ გაიტანა გოლი.
* ჯორდებმა ზედიზედ მე-7 ორშაბათის თამაში წააგეს და უკანასკნელი 4 ისე, რომ ერთი ბურთიც არ გაუტანიათ.
* "კაჭკაჭებს" უკანასკნელ 9 საგარეო პრემიერლიგურ შეხვედრაში მარტო 1 გოლი აქვთ გატანილი და სტუმრად ჩატარებულ ბოლო 10 მატჩში მხოლოდ 2 ქულა აიღეს.
ყოველდღიური სპორტული გაზეთი "ლელო"
