პრემიერლიგა. XVIII ტური: "ლესტერი" ლივერპულში შეაჩერეს [VIDEO]

ინგლისის პრემიერლიგის მე-18 ტურის ათივე შეხვედრა გუშინ, 26 დეკემბერს გაიმართა.

ლუი ვან გაალის "მანჩესტერ იუნაიტედი" "სტოკს" ესტუმრა და კვლავ დამარცხდა - 0:2. ამ მარცხით მანკუანიალენებმა სატურნირო ცხრილში მეხუთე პოზიციაც დათმეს და 26 ქულით მეექვსეზე ჩამოქვეითდნენ.


ჩემპიონატის ლიდერი "ლესტერი" "ენფილდზე" შეაჩერეს. კრისტიან ბენტეკეს ერთადერთი გოლის მეშვეობით, მერსესაიდულმა გუნდმა შეძლო და 26 სექტემბრის შემდეგ "ლესტერს" პირველი მარცხი აწვნია - 0:1. "ლივერპულს" ამ გამარჯვებით 27 ქულა დაუგროვდა და მერვე ადგილზე გადავიდა.


ლონდონის "არსენალს", რომელსაც "ლესტერის" ფეხის დაცდენით უნდა ესარგებლა და ამ ტურის შემდეგ ცხრილს სათავეში ჩადგომოდა, გამანადგურებელი მარცხვი აწვნია "საუთჰემპტონმა" - 0:4.


წარუმატებელი გამოდგა გუს ჰიდინკის დაბრუნება "ჩელსიში" - არისტოკრატებმა ისევ ვერ მოიგეს. ლონდონელებმა საკუთარ კედლებში "უოტფორდი" მიიღეს და მხოლოდ ქულას დასჯერდნენ - 2:2.


მანუელ პელეგრინის "მანჩესტერ სიტი" კი ჩემპიონატის აუტსაიდერ "სანდერლენდს" მარტივად გაუმკლავდა - 4:1.


ინგლისი. პრემიერლიგა. XVIII ტური:
სტოკი -მანჩესტერ იუნაიტედი 2:0
ბორნმუთი-კრისტალ პალასი 0:0
ასტონ ვილა-ვესტ ჰემი 1:1
ჩელსი-უოტფორდი 2:2
ლივერპული-ლესტერი 1:0
მანჩესტერ სიტი-სანდერლენდი 4:1
სუონსი-ვესტ ბრომვიჩი 1:0
ტოტენჰემი-ნორვიჩი 3:0
ნიუკასლი-ევერტონი 0:1
საუთჰემპტონი-არსენალი 4:0