პრემიერლიგა. XXIII ტური: "ლესტერი" ერთპიროვნული ლიდერია [VIDEO]

23 იანვარს ინგლისის პრემიერლიგის 23-ე ტურის 8 შეხვედრა გაიმართა.

"ლივერპულმა" 9-გოლიან (!) თრილერში მოუგო სტუმრად "ნორვიჩ სიტის" - 5:4. გამარჯვების გოლი ადამ ლალანამ მატჩის მე-5 კომპენსირებულ წუთზე გაიტანა. ავღნიშნავთ რობერტ ფირმინოს დუბლს.

იურგენ კლოპი (ლივერპული): "საოცარი თამაში იყო, ისეთი, რის გამოც ყოველთვის უნდა გჯეროდეს, რომ შეუძლებელი მოხდება. ჩემი აზრით, "ლივერპულმა" დამსახურებულად მოიგო ამ შეხვედრაში. მაგრამ ჩვენ ჩვენს პრობლემებს თუ ვერ გადავჭრით, ასეთ რამეს ყოველთვის ვერ გავიმეორებთ. ჩვენ ჯერ ქაოსში ვართ, ხან ვიცით, რას ვაკეთებთ, ხან კი - არა".

"ოლდ ტრაფორდზე" საოცარი რამ ვიხილეთ - "მანჩესტერ იუნაიტედისა" და "საუთჰემპტონის" თამაშისას, მოედანზე... თაგვმა შეირბინა, რითაც პუბლიკა გაამხიარულა.

ამ შეხვედრაში გამარჯვება "წმინდანებს" ჩარლი ოსტინმა მოუტანა მატჩის მიწურულს გატანილი ბურთით - 1:0.

ლუი ვან გაალი (მანჩესტერი): "თითოელი შეცვლა ჩვენ დაცვას ასუსტებდა, მაგრამ მე თამაშის მოგება მსურდა. ადნან იანუზაის გამოყვანა რისკი იყო, მაგრამ მომენტები იშვიათად იქმნებოდა. ბიჭებზე მოქმედებს ის, რომ მათგან ძალიან ბევრს ელიან. მაგრამ ჩვენ ერთად უნდა ვიყოთ, ძალიან ბევრს ვმუშაობთ და შედეგიც აუცილებლად იქნება".

ლონდონურ დერბიში "ტოტენჰემმა" სტუმრად 3:1 დაამარცხა "კრისტალ პალასი", სამივე გოლი "დეზების" ფეხბურთელებმა გაიტანეს - ვერტონგენმა საკუთარი კარი დალაშქრა.

"ლესტერ სიტი" ერთპიროვნული ლიდერია "სტოკის" 3:0 დამარცხების შემდეგ. საკმაო პაუზის მერე გაიტანა ჯეიმი ვარდიმ.

კლაუდიო რანიერი (ლესტერი): "სტოკი" ძალიან ძლიერი გუნდია, ამიტომ გაგვიჭირდა. მოგება გვინდოდა და გავიმარჯვეთ. ჩვენთვის ძალზე მნიშვნელოვანია იანვრის პირველ ადგილზე ჩამთავრება. სამწუხაროა, რომ მთელი მატჩის განმავლობაში პრესინგი ჯერ არ შეგვიძლია, მაგრამ ვცდილობთ".

"ვესტ ჰემი" და "მანჩესტერ სიტი" 2:2 დაზავდნენ, მასპინძელი ენერ ვალენსიას დუბლს დუბლით უპასუხა სერხიო აგუერომ.

ნორვიჩი-ლივერპული 4:5
გოლები: 0:1 ფირმინო (18), 1:1 მბოკანი (29), 2:1 ნეისმიტი (41), 3:1 ჰულეჰენი (54-პენ), 3:2 ჰენდერსონი (55), 3:3 ფირმინო (63), 3:4 მილნერი (75), 4:4 ბასონგი (92), 4:5 ლალანა (95)

კრისტალ პალასი-ტოტენჰემი 1:3
გოლები: 1:0 ვერტონგენი (30 ს. კ.), 1:1 კეინი (63), 1:2 ალი (84), 1:3 შადლი (95)

ლესტერი-სტოკი 3:0
გოლები: 1:0 დრინკუოთერი (42), 2:0 ვარდი (66), 3:0 ულოა (87)

მანჩესტერი-საუთჰემპტონი 0:1
გოლი: 0:1 ოსტინი (87)

სანდერლენდი-ბორნმუთი 1:1
გოლები: 0:1 აფობე (13), 1:1 ვან აანჰოლტი (45)

უოტფორდი-ნიუკასლი 2:1
გოლები: 1:0 იგალო (46), 2:0 კეზკარტი (58), 2:1 ლასელესი (71)

ვესტ ბრომვიჩი-ასტონ ვილა 0:0

ვესტ ჰემი-სიტი 2:2
გოლები: 1:0 ვალენსია (1), 1:1 აგუერო (9-პენ), 2:1 ვალენსია (56), 2:2 აგუერო (81)

1. ლესტერი - 47 ქულა; 2. სიტი - 44; 3. არსენალი - 44; 4. ტოტენჰემი - 42; 5. მანჩესტერი - 37.