ლონდონური "ტოტენჰემის" ხელმძღვანელობა შეშფოთებულია, რომ კლუბს მთავარი ფიგურა მაურისიო პოჩეტინო დატოვებს.ამის მიზეზი "მანჩესტერ იუნაიტედის" გაათმაგებული ინტერესია, მით უფრო, მას მერე, რაც ჟოზე მოურინიოს "პარი სენ-ჟერმენში" გადასვლაზე მითქმა-მოთქმამ სერიოზული ხასიათი მიიღო.
ის, რომ "წითელი ეშმაკები" ახალგაზრდა არგენტინელი სპეციალისტით დაინტერესებულნი იყვნენ, საიდუმლოს აქამდეც არ წარმოადგენდა, მაგრამ ახლა თამამად შეგვიძლია ვთქვათ, რომ "ოლდ ტრაფორდის" ბინადართა ფავორიტთა სიაში სწორედ პოჩეტინოა ჩანიშნული.
(იბეჭდება მცირე ცვლილებით)
ყოველდღიური სპორტული გაზეთი "ლელო"
