პრემიერლიგა. XXXVII ტური: კლაუდიო რანიერის გიჟური სეზონი და ტიტული [VIDEO]

7 მაისს ინგლისის პრემიერლიგის 37-ე ტურის 7 შეხვედრა გაიმართა.

"ლესტერისა" და "ევერტონის" მატჩის წინ ინგლისის ისტორიაში ყველაზე მოულოდნელ ჩემპიონებს ტიტული საზეიმო სიტუაციაში გადასცეს. ხოლო ტენორმა ანდრეა ბოჩელიმ კლაუდიო რანიერისთვის მიცემული პირობა შეასრულა და თამაშის წინ იმღერა "ლესტერისთვის".

რაც შეეხება მატჩს, "ლესტერმა" ის 3:1 მოიგო ჯეიმი ვარდის დუბლის წყალობით. ერთი გოლი ენდი კინგის ანგარიშზეა. გამოვყოფთ სტუმართა გოლსაც, რადგან კევინ მირალასმა ულამაზესი გოლი გაიტანა, მან ლამის ნახევარი გუნდი მოატყუა.

კლაუდიო რანიერი (ლესტერი): "ყოველთვის ვფიქრობდი, რომ ადრე თუ გვიან ტიტულს მოვიგებდი, მაგრამ ვერ წარმოვიდგენდი, რომ ეს ასეთ ვითარებაში მოხდებოდა. "ლესტერში" კარგ ხალხთან ვმუშაობ, ეს კი ყოველთვის მნიშვნელოვანია, სეზონი გამოვიდა გიჟური. ჩვენი მიზანი პრემიერლიგაში დარჩენა იყო და ახლა ჩვენ ჩემპიონები ვართ. ახლა ნელნელა ეს მიღწევა უნდა დავივიწყოთ და ახალი სეზონისთვის მოვემზადოთ. გუნდს ბრწყინვალე საფუძველი აქვს ჩაყრილი მომავალი წარმატებისთვის".

"მანჩესტერმა" სტუმრად 1:0 დაამარცხა "ნორვიჩი". ლუი ვან გაალის გუნდის ერთადერთი გოლი ხუან მატამ გაიტანა, "მანჩესტერი" ლიგის საგზურის მოპოვების შანსს ინარჩუნებს.


სხვა მატჩებიდან აღსანიშნავია "სანდერლენდის" გამარჯვება "ჩელსიზე" 3:2 და "ვესტ ჰემის" საშინაო მარცხი "სუონსისთან" - 1:4.


ჩემპიონშიპიდან პრემიერლიგაში დაწინაურება "მიდლსბრომ" გაინაღდა, რომელსაც აიტორ კარანკა წვრთნის.

შაბათი. 7 მაისი
ნორვიჩი-მანჩესტერი 0:1
გოლი: 0:1 მატა (72)

სანდერლენდი-ჩელსი 3:2
გოლები: 0:1 კოშტა (14), 1:1 ხაზრი (41), 1:2 მატიჩი (45), 2:2 ბორინი (67), 3:2 დეფო (70)
გაძევება: ტერი (90. ჩელსი)

ასტონ ვილა-ნიუკასლი 0:0

კრ. პალასი-სტოკი 2:1
გოლები: 0:1 ადამი (26), 1:1 გეილი (47), 2:1 გეილი (68)

ვესტ ჰემი-სუონსი 1:4
გოლები: 0:1 რუტლეჯი (25), 0:2 ა. აიუ (31), 0:3 კი (51), 1:3 კინგსლი (68 ს. კ.), 1:4 გომისი (90)

ბორნმუთი-ვესტ ბრომვიჩი 1:1
გოლები: 0:1 რონდონი (16), 1:1 რიტჩი (82)

ლესტერი-ევერტონი 3:1
გოლები: 1:0 ვარდი (5), 2:0 კინგი (33), 3:0 ვარდი (65-პენ), 3:1 მირალასი (88)

კვირა. 8 მაისი
ტოტენჰემი-საუთჰემპტონი 16:30
სიტი-არსენალი 19:00
ლივერპული-უოტფორდი 19:00

1. ლესტერი - 80 ქულა; 2. ტოტენჰემი - 70; 3. არსენალი - 67; 4. სიტი - 64; 5. მანჩესტერი - 63.