"იუვენტუსის" არგენტინელმა შემტევმა, გონსალო იგუაინმა თავის ყოფილ კლუბს, "ნაპოლის" სასამართლოში ვერ აჯობა.29 წლის ფეხბურთელი მიიჩნევდა, რომ ნეაპოლელებმა, 2015/16 წლების სეზონში და 2014/15 წლების სეზონის ნაწილში, მას, საიმიჯო უფლებების გამოყენების საფასური არ გადაუხადეს.
იგუაინი "ნაპოლისგან" 600 ათას ევროს ითხოვდა, მაგრამ სასამართლომ სარჩელი განუხილველი დატოვა. მიზეზი ისაა, რომ არგენტინელის ადვოკატებმა მტკიცებულებების 50 დღის ვადაში წარმოდგენა ვერ მოახერხეს.
გონსალო იგუაინი "ნაპოლიში" 2013-16 წლებში თამაშობდა. ნეაპოლელთა მაისურით მან 146 თამაში ჩაატარა და 91 გოლი გაიტანა.
