ბოლო პერიოდში სულ უფრო და უფრო ხშირად იწერება ანტონიო კონტეს ინგლისურ პრემიერლიგაში შესაძლო გადაბარგების თაობაზე. "იუვენტუსის" მთავარი მწვრთნელის გადაბირება რომან აბრამოვიჩს სურს, რომელიც იტალიელს რაფაელ ბენიტესის შემცვლელად მოიაზრებს. ეს ამბავი "ვეკია სენიორას" ტიფოზებს ძალიან არ მოსწონთ და "იუვენტუს არენაზე" დაგეგმილ უახლოეს შეხვედრაში კონტეს შესანარჩუნებლად საგანგებო ბანერის გამოფენას აპირებენ. ამ ამბავს თვითონ მწვრთნელი გამოეხმაურა და შემდეგი განაცხადა:"ტურინში თავს შესანიშნავად ვგრძნობ. აქ ჩემი სახლია და არსად წასვლის სურვილი არ მაქვს. მეტიც, მინდა, რომ "იუვენტუსისთვის" იგივე ვიყო, რაც ალექს ფერგიუსონია "მანჩესტერ იუნაიტედისთვის".
ჩემი თხოვნა იქნება, რომ საგანგებო ზომების მიღებით, ამ უსაფუძვლო თემას კიდევ უფრო ნუ გავახმაურებთ. კიდევ ერთხელ ვიტყვი, რომ ჩემი სურვილი მრავალი წელი "იუვენტუსში" მუშაობაა. თუ ყველაფერი ისე მოხდა, როგორც მსურს, მაშინ სხვა კლუბზე მინიმუმ 20 წლის შემდეგ ვიფიქრებ... თუმცა ამისთვის უდიდესი შრომაა საჭირო და კარგად მესმის, რომ ალექს ფერგიუსონი ყველა ვერ იქნება".
ყოველდღიური სპორტული გაზეთი "ლელო"
ასევე იხილეთ:
ანტონიო კონტე: სკუდეტო მოვიგე და კიდევ ერთხელ მოვიგებ [VIDEO]
