2011 წელს "იუვენტუსმა" ლევერკუზენის "ბაიერს" 10.5 მილიონი ევრო გადაურიცხა და სანაცვლოდ, თავისთან არტურო ვიდალი წაიყვანა. ჩილელი შესანიშნავად მოერგო იტალიურ გუნდს და თავი საუკეთესო კუთხით წარმოაჩინა. არტუროს ანგარიშზე ტურინული გრანდის შემადგენლობაში 71 მატჩი და 17 გოლია. ეს ყველაფერი კი იმიტომ მოვყევით, რომ ბოლო დროს ვიდალის მიმართ ევროპული ფეხბურთის გრანდებმა დიდი დაინტერესება გამოიჩინეს და "ვეკია სენიორას" მესვეურებს სერიოზული შეტევების მოგერიება მოუწევთ.
აპენინურ სპორტულ პრესაში გავრცელებული ინფორმაციის თანახმად, ვიდალის გადაბირება მიუნხენის "ბაიერნის", ლონდონის "ჩელსის" და "პარი სენ-ჟერმენის" მესვეურებს სურთ. განსაკუთრებით მიუნხენელები აქტიურობენ და
"ვიდალის გადაბირება არაერთ კლუბს სურს, თუმცა კონკრეტულ შემოთავაზებაზე ლაპარაკი ჯერ ადრეა. დიდი ალბათობით, არტუროს გადაბირებას ზაფხულში შეეცდებიან და შესაბამისად, ამ წინადადების განხილვა მოგვიწევს. დიახ, განხილვა, მაგრამ ეს იმას არ ნიშნავს, რომ არტუროს გაყიდვას ვაპირებთ. ჩვენი სურვილია, რომ მან მომდევნო სეზონშიც "იუვეში" ითამაშოს, მაგრამ, მეორე მხრივ, წინადადებასაც გააჩნია..."
აი, ასეთი ორაზროვანი კომენტარი გააკეთა ბეპე მაროტამ და ათასგვარ ჭორს დაუდო სათავე... "გაზეტა დელო სპორტის" მტკიცებით, ტურინელები აუცილებლად შეელევიან არტუროს, თუ მასში რომელიმე კლუბი 30 მილიონ ევროს გადაიხდის. 30 წლის ფეხბურთელში ამხელა თანხას იშვიათად იხდიან და თუ ტურინელებმა ასეთი მაცდური შეთავაზება მიიღეს, მართლაც გაუჭირდებათ უარის თქმა.
ყოველდღიური სპორტული გაზეთი "ლელო"
ასევე იხილეთ:
"ბაიერნი" არტურო ვიდალისთვის იბრძვის?
