"ინტერის" მთავარმა მწვრთნელმა ანდრეა სტრამაჩონიმ, 17 აპრილს იტალიის თასზე "რომასთან" განცდილი მარცხის მიუხედავად, თავისი შეგირდებისადმი თბილი სიტყვები არ დაიშურა.ნახევარფინალური მატჩი, რომელიც მილანში გაიმართა, სტუმართა გამარჯვებით - 2:3 დასრულდა.
ანგარიში "შავ-ლურჯებმა"კი გახსნეს, მაგრამ შემდეგ ზედიზედ სამი გოლი გაუშვეს, სხვაობის შემცირება კი მხოლოდ თამაშის ბოლოსღა შეძლეს.
Video
17.04.13. ინტერი - რომა 2:3
17.04.13. ინტერი - რომა 2:3
ამ გუნდებს შორის პირველ დაპირისპირებაშიც გამარჯვება რომაელებს დარჩათ (2:1).
"ჩემს ბიჭებზე მხოლოდ კარგის თქმა შემიძლია. მოედანზე ყველაფერი დავდეთ, რაც შეგვეძლო.
გუნდი პირველ ტაიმში ბრწყინვალედ მოქმედებდა და უპირატესობის ორ ბურთამდე
დასანანია, რომ გოლი კონტრშეტევაზე მივიღეთ. "რომამ" თავისი შანსის გამოყენება შეძლო.
ჩემი მომავალი? არ მსურს საკუთარ თავზე საუბარი და მოდით, თამაშზე ვილაპარაკოთ. მატჩის წინ ალვარესი და ჟუანი დაგვიბრუნდნენ, მაგრამ კამბიასო გამოგვაკლდა.
"რომამ" ორი მატჩის ჯამში დაიმსახურა ფინალში გასვლა და მეტოქის მისამართით მხოლოდ კომპლიმენტებს ვიტყვი. მადლობელი ვარ გულშემატკივრების, რომლებსაც ესმით ჩვენი მდგომარეობა და ბოლომდე მხარს გვიჭერენ", - აქვეყნებს სტრამაჩონის ნათქვამს Football Italia.
