გერმანიის ნაკრების ფორვარდმა მარიო გომესმა ახსნა, თუ რატომ გადავიდა "ფიორენტინაში"."ჩემი ოცნებაა ტიტული აქ, იტალიაში მოვიგო. "ფიორენტინამ" კარგად ამიხსნა, რომ ამბიციები აქვთ და წინსვლას გეგმავენ. გასულ სეზონში გუნდი იტალიაში მეოთხე ადგილზე გავიდა, ახლა კი გვინდა უფრო კონკურენტუნარიანები გავხდეთ როგორც იტალიაში, ასევე ევროპაშიც.
ვერ შეგპირდებით, რომ გოლების გარკვეულ რაოდენობას გავიტან. მთავარია, გავიმარჯვოთ, რაც შეიძლება მეტი მატჩი უნდა მოვიგოთ.
როცა გაირკვა, რომ გერმანია უნდა დამეტოვებინა, არჩევანი იტალიასა და ესპანეთს შორის უნდა გამეკეთებინა.
გვარდიოლამ დაადასტურა, რომ ვინჩენცო მონტელა ("ფიორენტინას" მთავარი მწვრთნელი) დიადი ადამიანია.
"ბაიერნთან" ყველაფერი მოვიგე და ეს ფანტასტიკური იყო, მაგრამ ახლა რამე ახალი უნდა გამოვცადო", - თქვა გომესმა.
მომზადებულია Goal.com-ის მიხედვით
