უცნაური ამბავი გავრცელდა იტალიურ სპორტულ პრესაში, რომლის მიხედვითაც, "მილანის" მესვეურები ლენდონ დონოვანის გადაბირებით დაინტერესდნენ. 31 წლის ამერიკელი ამჟამად ლოს-ანჯელეს "გალაქსის" ღირსებას იცავს, რომელთანაც ლომბარდიულ გრანდს ძველი და მეგობრული ურთიერთობა აკავშირებს.
"მილანი" და "გალაქსი" თითქმის ყოველ ზაფხულს სპარინგობენ, დევიდ ბექჰემის ტრანსფერი კი კარგად გემახსოვრებათ.
მოკლედ, ლომბარდიული გრანდის ვიცე-პრეზიდენტ ადრიანო გალიანის ამერიკელებთან საერთო ენის გამონახვა არ გაუჭირდება და რადგან კეისუკე ჰონდას ამბავიც ჩიხშია შესული, დონოვანის ვარიანტი სულაც არ მოჩანს ურიგო...
დონოვანს ევროპაში აქამდეც უთამაშია - ლევერკუზენის "ბაიერის", მიუნხენის "ბაიერნის" და ლივერპულის "ევერტონის"
აქვე დავაზუსტოთ, რომ ლაპარაკი არაა სამთვიან ხელშეკრულებაზე, როდესაც ამერიკაში მოასპარეზე ფეხბურთელები ხანგრძლივ შვებულებას იყენებენ და ევროპულ კლუბში გადადიან - შეთანხმების შემთხვევაში, დონოვანი "მილანთან" სრულფასოვან კონტრაქტს გააფორმებს. ვნახოთ, როგორ დასრულდება მოლაპარაკება.
ყოველდღიური სპორტული გაზეთი "ლელო"
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
