იტალია. სერია A. XVII ტური: ზავი იტალიურ დერბიში [VIDEO]

სერია A-ს მიმდინარე გათამაშება დიდი იტალიური დერბით განახლდა და ბუნებრივია, ამ მატჩმა განსაკუთრებული ყურადღება მიიქცია. "იუვენტუსი" ფავორიტად იყო მიჩნეული, მაგრამ მთლიანობაში, მაინც თანაბარი მატჩი გამოდგა და შედეგიც ლოგიკურია.

მატჩის პერიპეტიებს აღარ მოვყვებით და მხოლოდ იმას აღვნიშნავთ, რომ ტურინელთაგან გოლი კარლოს ტევესმა, ხოლო მილანელთაგან მაურო იკარდიმ გაიტანეს.

ამასთან, მეკარეებმა - სამირ ჰანდანოვიჩმა და ჯანლუიჯი ბუფონმა რამდენჯერმე გადაარჩინეს თავიანთი გუნდები. იყო ერთი ეპიზოდი, როდესაც იკარდიმ პაბლო ოსვალდოს პასი დაუგვიანა, რის გამოც "ინტერის" ფეხბურთელებს შორის დაპირისპირება მოხდა და ბუნებრივია, ამან დიდი რეზონანსი გამოიწვია. მთლიანობაში, დაძაბული მატჩი გამოვიდა, რომელშიც ტურინელთა მცირე უპირატესობის მიუხედავად, ლოგიკური შედეგი დაფიქსირდა. მატჩის შემდეგ საინტერესო კომენტარები გაკეთდა.

მასიმილიანო ალეგრი ("იუვენტუსის" მწვრთნელი): "პირველ ტაიმში უკეთ ვითამაშეთ და უპირატესობას ვფლობდით; აი, მეორეში კი ბევრი შეცდომა დავუშვით და შეგვეძლო წაგვეგო კიდეც. განსაკუთრებით ცუდად მახსენდება ბოლო წუთები, როდესაც კაცნაკლულმა მეტოქემ მწვავე კონტრშეტევა განახორციელა და კინაღამ მეორე გოლი გაგვიტანა. დიდი სისულელე იყო გარისკვა, მთელი გუნდით წინ წასვლა და მეტოქისთვის ამ შანსის მიცემა. მთლიანობაში, უკმაყოფილო ვარ, რადგან "იუვენტუსი" ამდენ შეცდომას არ უნდა უშვებდეს".

რობერტო მანჩინი ("ინტერის" მწვრთნელი): "პირველი ტაიმი ძალიან ცუდად ჩავატარეთ და შეგვეძლო, დიდი ანგარიშით წაგვეგო. საბედნიეროდ, მეტოქემ შანსები ვერ გამოიყენა. მეორე ნახევარში კი მკვეთრად მოვუმატეთ და უკვე ჩვენ შეგვეძლო მეტის გატანა. ვფიქრობ, ანტრაქტის შემდეგ მეტი სიზუსტე გვმართებდა დამაგვირგვინებელ ფაზაში. კმაყოფილი ვერ ვიქნები, რადგან პირველი ტაიმი ჩავაგდეთ, ხოლო მეორე ნახევარში საგოლე მომენტების რეალიზებაში მოვიკოჭლებდით. სამუშაო ჯერ კიდევ ბევრია და ამ შეხვედრამ ეს ნათლად დაგვანახვა".

ჯანლუიჯი ბუფონი (იუვენტუსი): "იმედგაცრუებული ვარ, რადგან ქულები დავკარგეთ და კონკურენტი კიდევ უფრო მოგვიახლოვდა. მატჩის დიდი ნაწილი ჩვენი კარნახით წარიმართა, მაგრამ სამი ქულის მოსაპოვებლად ეს საკმარისი არ აღმოჩნდა. ასეთივე ისტორია იყო "სამპდორიასთან", "ტორინოსთან" და "ნაპოლისთან" თამაშებში - უნდა მოგვეგო, მაგრამ ვერ მოვიგეთ. მეტი ყურადღება გვმართებს დამაგვირგვინებელ ფაზაში და მეტი სპორტული აგრესია შუა ხაზში. წინააღმდეგ შემთხვევაში, წარმატების მიღწევა გაგვიჭირდება".

მაურო იკარდი (ინტერი): "ოსვალდოსთან კონფლიქტი ამოწურულია და ამ თემაზე ბოლო კომენტარს ვაკეთებ. იმ ეპიზოდში პასი უნდა მიმეცა, მაგრამ რატომღაც დარტყმა გადავწყვიტე. პაბლო მართალი იყო, რადგან გადაცემა უნდა გამეკეთებინა. დამნაშავე ვარ, ეს ვაღიარე და ერთმანეთს ხელი ჩამოვართვით. ერთად უნდა ვიდგეთ, რადგან წინ უმნიშვნელოვანესი მატჩები გველოდება".


მას შემდეგ, რაც "მილანმა" ამხანაგურ შეხვედრაში მადრიდის "რეალი" დაამარცხა და შემდეგ ალესიო ჩერჩი გადაიბირა, სერია A-ს განახლებას ტიფოზები ენთუზიაზმით ელოდებოდნენ. თუმცა 2015 წლის პირველი შეხვედრა "როსონერიმ" პირწმინდად ჩააგდო, "სასუოლოსთან" დამარცხდა და კიდევ უფრო გაირთულა სატურნირო მდგომარეობა.

მილანელებმა ანგარიში მალევე გახსნეს, მაგრამ შემდეგ ორი გოლი გაუშვეს და კიდევ უფრო მეტის გაშვებაც შეეძლოთ. ფილიპო ინძაგიმ სცადა მატჩის გადარჩენა, ალესიო ჩერჩიც ჩართო თამაშში, მაგრამ ამ საქმისგან არაფერი გამოვიდა. "სასუოლომ" კიდევ ერთი სიურპრიზი შემოგვთავაზა, ინძაგიმ კი მატჩის შემდეგ განაცხადა, რომ მისმა გუნდმა მხოლოდ 20 წუთი ითამაშა ნამდვილი ფეხბურთი:

"პირველი 20 წუთი ნამდვილი "მილანი" ვიხილეთ, შემდეგ კი მოხდა ის, რასაც არ ველოდი. ნაყოფიერი მოსამზადებელი წვრთნების შემდეგ ასეთ თამაშს ვერც კი წარმოვიდგენდი. გუნდში რაღაც მოიშალა და მეტოქეს ვერაფერი დავუპირისპირეთ. "სასუოლომ" დაიმსახურა მოგება, ჩვენ კი მომდევნო ტურზე და "ტორინოსთან" პაექრობაზე უნდა ვიფიქროთ. თავი ხელში უნდა ავიყვანოთ, რადგან ჯერ კიდევ შეგვიძლია სამეულში შესვლა".


როგორც ჩანს, იტალიის სუპერთასის მოგებამ "ნაპოლიზე" კარგად იმოქმედა, რადგან რაფაელ ბენიტესის გუნდმა "ჩეზენას" გადაურბინა და უმნიშვნელოვანესი ქულები ჩაიწერა აქტივში. ნეაპოლელთა რიგებში გონსალო იგუაინმა გაიბრწყინა, რომლის ანგარიშზე ორი გოლი და ერთი საგოლე გადაცემაა. "ნაპოლი" მესამე ადგილისთვის იბრძვის და ამ ბრძოლაში ფავორიტად უნდა მივიჩნიოთ. მართალია, "ლაციოსაც" იმდენივე ქულა აქვს და ბურთების შეფარდებით სულაც სჯობნის, მაგრამ რაფას გუნდს მეტი პოტენციალი აქვს და თუ ასე გააგრძელა, ჩემპიონთა ლიგის საგზურს უნდა შესწვდეს.

"ჩეზენასთან" მატჩის შემდეგ ბენიტესმა შეგირდებს მადლობა გადაუხადა და განაცხადა, რომ მისმა გუნდმა სეზონის ერთ-ერთი საუკეთესო შეხვედრა გამართა. გახარებული იყო იგუაინი, რომლის აზრითაც, "ნაპოლის" არა მარტო ჩემპიონთა ლიგის საგზურის, სკუდეტოს მოპოვებაც შეუძლია.

აქვე აღვნიშნოთ, რომ განაცხადში არ იყო "ნაპოლის" ახალწვეული მანოლო გაბიადინი, რომლის დებიუტი, ალბათ, მომდევნო ტურში შედგება. გაინტერესებთ, ვის ხვდება "ნაპოლი" მომდევნო ტურში? - "იუვენტუსს"...


სერია A. XVII ტური
6 იანვარი
უდინეზე-რომა 0:1
გოლი: 0:1 ასტორი (17)
უდინეზე (3-5-2): კარნეზისი - პირისი, დანილო, დომიცი - ვიდმერი, ალანი, გილიერმე (81. ფერნანდესი), კონე, გაბრიელ სილვა (69. პაკუალე) - დი ნატალე (68. ტერო), გეიხო
რომა (4-3-3): დე სანკტისი - მაიკონი (66. ტოროსიდისი), მანოლასი, ასტორი, ჰოლებასი - სტროტმანი, დე როსი, პიანიჩი - იტურბე, ტოტი (67. ფლორენცი), ლიაიჩი (84. ემანუელსონი)
გაფრთხილება: დი ნატალე - მაიკონი, ასტორი, პიანიჩი, ტოროსიდისი, ემანუელსონი
კუთხური: 5-4; ჯარიმა: 11-16; თამაშგარე: 3-4; კარში დარტყმა: 6-10 (2-6); ბურთის ფლობა: 50%-50%
მაყურებელი: 10 000


მილანი-სასუოლო 1:2
გოლები: 1:0 პოლი (9), 1:1 სანსონე (28), 1:2 ძაძა (68)
მილანი (4-3-3): დიეგო ლოპესი - რამი (75. აბატე), საპატა, ალექსი, დე შილიო - ესიენი (65. ჩერჩი), პოლი, მონტოლივო - ბონავენტურა, მენეზი, ელ შაარავი (71. პაცინი)
სასუოლო (4-3-3): კონსილი - გაცოლა, აჩერბი, კანავარო, პელუზო - მანიანელი, მისიროლი, ბიონდინი - სანსონე (86. ფლორო ფლორესი), ძაძა (88. ფლოკარი), ბერარდი (77. ბრიგი)
გაფრთხილება: ალექსი, მენეზი, პოლი - კანავარო, გაცოლა, ბიონდინი
კუთხური: 9-1; ჯარიმა: 19-17; თამაშგარე: 6-1; კარში დარტყმა: 9-6 (4-1); ბურთის ფლობა: 59%-41%
მაყურებელი: 45 000

კიევო-ტორინო 0:0
კიევო (4-4-2): ბიძარი - ფრეი, დაინელი, ცეზარი, ზუკანოვიჩი - ბირსა (71. ლაზარევიჩი), ისკო, ჰეტემაი, სკელოტო (81. კოფიე) - პალოსკი (75. მაქსი ლოპესი), მეჯორინი
ტორინო (3-5-2): პადელი - მაკსიმოვიჩი, გლიკი, სილვა - დარმიანი, ფარნერუდი, გაცი, ვივესი (87. ბენასი), მოლინარო (78. პერესი) - მარტინესი, კვალიარელა
გაფრთხილება: ჰეტემაი, მეჯორინი - გაცი, ვივესი, ფარნერუდი
კუთხური: 9-0; ჯარიმა: 18-17; თამაშგარე: 1-0; კარში დარტყმა: 14-5 (7-3); ბურთის ფლობა: 50%-50%
მაყურებელი: 10 000

ემპოლი-ვერონა 0:0
ემპოლი (4-3-1-2): სეპე - უსაი, რუგანი, ტონელი, მარიო რუი - კროჩე, ვალდიფიორი, ვესინო - ვერდი (67. ბარბა) - ტავანო (61. პუჩარელი), მაკარონე (79. მჭედლიძე)
ვერონა (4-3-3): ბენუსი - მარტიჩი, მორასი (31. სორენსენი), მარკესი, აგოსტინი - გრეკო, პანაიოტისი, სალა (53. კამპანიარო) - ალფრედსონი, ტონი, ხრისტოდოლოპულოსი
გაფრთხილება: სალა, ტონი, კამპანიარო (ვერონა)
გაძევება: ტონელი (65) - ალფრედსონი (77)
კუთხური: 11-1; ჯარიმა: 17-20; თამაშგარე: 3-4; კარში დარტყმა: 19-11 (10-7); ბურთის ფლობა: 59%-41%
მაყურებელი: 10 000

ჯენოა-ატალანტა 2:2
გოლები: ძაპაკოსტა (37), 0:2 მორალესი (49), 1:2 იაგო (51-პენ.), 2:2 მატრი (69)
ჯენოა (3-4-3): პერინი - დე მაიო, ბურდისო, რონკალია (57. ფეტფატციდისი) - ედენისლონი, რინკონი, ბერტოლაჩი (72. ტინო კოსტა), ანტონელი - იაგო, მატრი, ლესტინი (86. კუცკა)
ატალანტა (4-4-2): სპორტიელო - სტენდარდო, ბელინი, ბენალუანი, დრამე - დალესანდრო (56. სპინაცოლა), კარმონა, ბაზელი (80. მილიაჩო), ძაპაკოსტა - მორალესი, დენისი (79. ბიანკი)
გაფრთხილება: ბურდისო, რონკალია, მატრი - დრამე, ბენალუანი, დალესანდრო, ბაზელი
კუთხური: 12-2; ჯარიმა: 14-13; თამაშგარე: 0-2; კარში დარტყმა: 12-5(5-4); ბურთის ფლობა: 60%-40%
მაყურებელი: 22 000

პალერმო-კალიარი 5:0
გოლები: 1:0 მორგანელა (6), 2:0 მუნიოსი (10), 3:0 დიბალა (33-პენ.), 4:0 დიბალა (72), 5:0 ბარეტო (85)
პალერმო (3-5-2): სორენტინო - მუნიოსი (83. ვიტიელო), გონსალესი, ფედალი - მორგანელა, რიგონი, მარესკა (67. ბოლცონი), ბარეტო, ლაზაარი - ვასკესი, დიბალა (74. ბელოტი)
კალიარი (4-3-1-2): კოლომბი - აველარი, როსეტინი, კაპიტელი, პიზანო - კრიშეტიგი (46. დესენა), კონტი, ეკდალი (83. დონსა) - კოსუ (46. გალვაო), ლონგო, ფარიასი
გაფრთხილება: მუნიოსი, მარესკა, ვასკესი - კოლომბი, კრიშეტიგი, ფარიასი
გაძევება: კონტი (26. კალიარი)
კუთხური: 7-1; ჯარიმა: 15-14; თამაშგარე: 3-0; კარში დარტყმა: 15-6 (9-2); ბურთის ფლობა: 59%-41%
მაყურებელი: 20 000

პარმა-ფიორენტინა 1:0
გოლი: 1:0 კოსტა (11)
პარმა (3-5-2): მირანტე - პალეტა, ლუკარელი, კოსტა - კასანი (67. რისპოლი), მაური, ლოდი, გობი, დე ჩელიე - პალადინო (76. ბიდაუ), კასანო
ფიორენტინა (3-5-2): ტატარუშანუ - გონსალო, სავიჩი, ბასანტა - ხოაკინი (82. პასკუალი), პისარო, ფერნანდესი, კურტიჩი (59. აკვილანი), ალონსო (66. ელ ჰამდაუი) - კუადრადო, გომესი
გაფრთხილება: მირანტე, გობი, ლუკარელი, დე ჩელიე, კასანო, ბიდაუ (პარმა)
გაძევება: გონსალო (79) სავიჩი (86) - ორივე ფიორენტინა
კუთხური: 3-2; ჯარიმა: 20-15; თამაშგარე: 7-1; კარში დარტყმა: 3-14( 1-7); ბურთის ფლობა: 31%-69%
მაყურებელი: 15 000

ჩეზენა-ნაპოლი 1:4
გოლები: 0:1 კალეხონი (29), 0:2 იგუაინი (41), 0:3 კაპელი (64-საკ. კარში), 0:4 იგუაინი (72), 1:4 ბრიენცა (75)
ჩეზენა (3-5-2): ლეალი - ლუკინი (46. როდრიგესი), მაგნუსონი, კაპელი - მაძოტა, ჯორჯი, ზე ედუარდო, კაშონე (70. კარბონერო), ვალძანია (79. ვოლტა) - ბრიენცა, ალმეიდა
ნაპოლი (4-2-3-1): რაფაელი - მაჯო, ენრიკე, ალბიოლი, ბრიტოსი - დავიდ ლოპესი, გარგანო (67. ფრელო) - კალეხონი (84. რადოშევიჩი), ჰამშიკი, დე გუზმანი (63. მერტენსი) - იგუაინი
გაფრთხილება: კაპელი, ზე ედუარდო - ენრიკე, გარგანო
კუთხური: 2-6; ჯარიმა: 7-13; თამაშგარე: 0-3; კარში დარტყმა: 10-14 (2-7); ბურთის ფლობა: 47%-53%
მაყურებელი: 18 000

იუვენტუსი-ინტერი 1:1
გოლები: 1:0 ტევესი (5), 1:1 იკარდი (64)
იუვენტუსი (4-3-1-2): ბუფონი - ლიხტშტაინერი, ბონუჩი, კიელინი, ევრა - მარკიზიო, პირლო, პოგბა - ვიდალი (77. პერეირა) - ტევესი, ლორენტე (63. მორატა)
ინტერი (4-3-2-1): ჰანდანოვიჩი - კამპანიარო, რანოკია, ჟუანი, დამბროზიო - გუარინი, მედელი, კუზმანოვიჩი (54. პოდოლსკი) - კოვაჩიჩი, ერნანესი (85. ოსვალდო) - იკარდი (89. მვილა)
გაფრთხილება: ბონუჩი, მორატა - რანოკია, დამბროზიო, ჟუანი, მედელი, იკარდი
გაძევება: კოვაჩიჩი (86. ინტერი)
კუთხური: 11-3; ჯარიმა: 10-12; თამაშგარე: 5-0; კარში დარტყმა: 8-10 (5-2); ბურთის ფლობა: 53%-47%
მაყურებელი: 41 000

ბომბარდირები: 11 - კარლოს ტევესი (იუვენტუსი); 9 - ხოსე კალეხონი (ნაპოლი), მაურო იკარდი (ინტერი), გონსალო იგუაინი (ნაპოლი), პაულო დიბალა (პალერმო); 8 - ჟერემი მენეზი (მილანი), ანტონიო დი ნატალე (უდინეზე)

მომდევნო ტური
10 იანვარი:
სასუოლო-უდინეზე, ტორინო-მილანი
11 იანვარი:
ინტერი-ჯენოა, ატალანტა-კიევო, კალიარი-ჩეზენა, ფიორენტინა-პალერმო, ვერონა-პარმა, რომა-ლაციო, სამპდორია-ემპოლი, ნაპოლი-იუვენტუსი.

ყოველდღიური სპორტული გაზეთი "ლელო"