არ წყდება აჟიოტაჟი პოლ პოგბას გარშემო, რომელიც "იუვენტუსში" შესანიშნავად ასპარეზობს და რომლის გადაბირება მადრიდის "რეალს" სურს. ამის შესახებ იტალიურ სპორტულ პრესაში სულ უფრო აქტიურად იწერება და ბუნებრივია, საინტერესო კომენტარებიც კეთდება - მოვუსმინოთ "იუვენტუსის" ტექნიკურ დირექტორ პაველ ნედვედს:"ამას წინათ წავიკითხე, თითქოს პოლ პოგბას პსჟ-ში ვუშვებთ, სანაცვლოდ კი მარკო ვერატი და ედინსონ კავანი უნდა მოვიყვანოთ. სინამდვილეში, ფრანგებთან არავითარი კონტაქტი არ გვქონია და შესაბამისად, ასეთი ბარტერი არ იგეგმება. რაც შეეხება "რეალს", ესპანელებს მართლაც უნდათ ფრანგის გადაბირება, მაგრამ ჯერ ოფიციალური წინადადება არ მიგვიღია.
"გაძეტა დელო სპორტი" მადრიდის "რეალის" წარმომადგენელს, ლეგენდარულ ზინედინ ზიდანს დაუკავშირდა და მისგან შემდეგი შეიტყო:
"პოლ პოგბას პირადად არ ვიცნობ, მაგრამ მისი თამაში მინახავს და შემიძლია ვთქვა, რომ თავის ამპლუაში ერთ-ერთი საუკეთესოა. რადგან საუკეთესოები მადრიდის "რეალში" გადადიან, ალბათ, პოგბაც ამასვე გააკეთებს. ვფიქრობ, პოლი "სამეფო გუნდში" კიდევ უფრო გაიხსნება და კიდევ უკეთეს ფეხბურთს ითამაშებს".
ყოველდღიური სპორტული გაზეთი "ლელო"
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
