სერია A-ს გასულ ტურში "ინტერმა" საკუთარ კედლებში "პარმას" ვერ მოუგო და კრიტიკის ქარ-ცეცხლი დაატყდა თავს. მილანური გრანდი ისედაც ვერ ბრწყინავდა, მაგრამ გაკოტრებულ "პარმასთან" ქულების დაკარგვა მეტისმეტი გახლდათ.
მატჩის შემდეგ "ნერაძურის" მთავარმა მწვრთნელმა რობერტო მანჩინიმ გულშემატკივრებს ბოდიში მოუხადა და განაცხადა, რომ ვითარების გამოსასწორებლად რევოლუციაა საჭირო. რა იგულისხმა მანჩინიმ რევოლუციაში? - ამ თემაზე თავად მწვრთნელმა კომენტარი არ გააკეთა, აი, კლუბის სპორტული დირექტორი პიერო აუზილიო კი ჟურნალისტებს შეხვდა და შემდეგი განაცხადა:
"ნამდვილად არ მეგონა, თუ "პარმასთან" ქულებს დავკარგავდით და ასე საშინლად ვითამაშებდით. იმედგაცრუებული
რობერტო მანჩინისთან ერთად ვმუშაობთ და იმ ფეხბურთელთა სიას ვაკეთებთ, რომლებიც ზაფხულში დაგვტოვებენ. ძირეული ცვლილებები აუცილებელია, რადგან ასე გაგრძელება, უბრალოდ, არ შეიძლება.
"ინტერმა" უმაღლესი მიზნებისთვის უნდა იბრძოლოს, დღეს კი სულ სხვა სურათს ვხედავთ. იქნება თუ არა რევოლუცია? - ზაფხულში ბევრი რამ შეიცვლება და შეგიძლიათ ამას რევოლუცია დაარქვათ".
ყოველდღიური სპორტული გაზეთი "ლელო"
