* პაულო დიბალამ დაადასტურა, რომ მომდევნო სეზონიდან "იუვენტუსის" ღირსებას დაიცავს.* სილვიო ბერლუსკონის თქმით, დიდია შანსი, რომ კარლო ანჩელოტი "მილანში" დაბრუნდეს.
* სერია B-დან სერია A-ში გადასასვლელად, პლეი ოფს შემდეგი ექვსი გუნდი გაითამაშებს: "ვიჩენცა", "ბოლონია", "სპეცია", "პერუჯა", "პესკარა", "აველინო".
ტურის ცენტრალური მატჩი დღეს გაიმართება, ერთმანეთის პირისპირ კი რომაული გუნდები წარდგებიან. როგორც ასეთ დროს ამბობენ, კინო წინ გველოდება, ჟურნალზე კი ქვემოთ ვისაუბროთ...
"ინტერს" სჭირდებოდა, "იუვე" იგებს - "ნაპოლის" სჭირდებოდა და მაინც "იუვე" იგებს - მასიმილიანო ალეგრის გუნდი ყველაფერს იგებს და თუ
რაც შეეხება განვლილ მატჩს, ორმხრივ იერიშებში წარიმართა და მომენტები ორივე კართან მრავლად შეიქმნა. "ვეკია სენიორა" უფრო გააზრებულად თამაშობდა, ალეგრის შეგირდებმა უკეთ იცოდნენ, თუ რა უნდა ეკეთებინათ მოედანზე და შედეგიც შესაბამისი დადგა.
ანგარიში რობერტო პერეირამ კინგსლი კომანის ბრწყინვალე გადაცემის შემდეგ გახსნა და პირველ ტაიმში მეტი გოლი აღარ გვინახავს. მეორე ნახევარი სულ რაღაც 5 წუთის დაწყებული იყო, როდესაც არბიტრმა ტურინელთა კარის მიმართულებით თერთმეტმეტრიანი დანიშნა; ბურთთან ლორენცო ინსინიე მივიდა, რომელსაც აუღო ჯიჯი ბუფონმა, თუმცა დამატებაზე დავიდ ლოპესმა ივარგა და შეარხია კიდეც კარის ბადე.
ნეაპოლელთა სიხარული ხანმოკლე გამოდგა, ჯერ სტეფანო სტურარომ დააწინაურა მასპინძლები, როდესაც შესანიშნავ სტილში აუარა გვერდი ორ მცველს და ზუსტად დაარტყა, ბოლოს კი შეცვლაზე შესულმა სიმონე პეპემ თერთმეტმეტრიანი გამოიყენა და მატჩის საბოლოო ანგარიში დააფიქსირა - 3:1.
ისიც ვთქვათ, რომ მასიმილიანო ალეგრიმ ამჯერადაც ნახევრად სარეზერვო შემადგენლობა დააყენა და მიუხედავად ამისა, დამაჯერებლად მოიგო - მატჩის შემდეგ ტურინელთა თავკაცი უაღრესად კმაყოფილი იყო:
"შესანიშნავი თამაში ვაჩვენეთ და სრულიად დამსახურებული გამარჯვება მოვიპოვეთ. სეზონის დასკვნით ნაწილს იდეალურ ფორმაში შევხვდით, ფეხბურთელებს კი მადლობის მეტი არაფერი ეთქმით. წინ სეზონის მთავარი მატჩია და ჩვენ მზად ვართ, რომ გულშემატკივარი კიდევ ერთხელ გავახაროთ".
ისიც ვთქვათ, რომ მიმდინარე სეზონში ეს იყო "იუვენტუსის" ბოლო მატჩი საკუთარ არენაზე და ბუნებრივია, რომ გულშემატკივრებმა მწვრთნელ-ფეხბურთელებს დიდი ოვაციები მოუწყვეს; ამასთან, ტურინელებმა სკუდეტო აღმართეს, იტალიის თასი შემოატარეს სტადიონს და კიდევ ერთხელ ნამდვილი ფიესტა გამართეს...
იხილეთ ვიდეო
"ჯენოამ" მოიგო, მაგრამ...
ძალიან საინტერესო მატჩი გაიმართა გენუაში, სადაც "ჯენოამ" "ინტერს" უმასპინძლა და დრამატულ ბრძოლაში დაამარცხა - 3:2. მილანელები ორჯერ იგებდნენ, ჯერ მაურო იკარდის, ხოლო შემდეგ როდრიგო პალასიოს გოლებით, მაგრამ ჯამპიერო გასპერინის შეგირდებმა თავი არ დაზოგეს, ბოლომდე იბრძოლეს და სამივე ქულა თან დაიტოვეს. გენუელთაგან ლეონარდო პავოლეტი, მაქსიმ ლესტინი და იურაი კუჩკა გამოირჩნენ, ამ უკანასკნელის მიერ 89-ე წუთზე გატანილ გამარჯვების გოლს კი გადაჭედილ ტრიბუნებზე უდიდესი სიხარული და ემოცია მოჰყვა.მოკლედ, "ჯენოამ" უმნიშვნელოვანესი მატჩი მოიგო და უშუალო კონკურენტი დაამარცხა, მაგრამ დიდი ალბათობით, გენუელები მომდევნო სეზონში მაინც ვერ იასპარეზებენ ევროპალიგაზე, რისი მიზეზიც ლიცენზიის არქონაა. დიახ, "ჯენოამ" ფინანსური დარღვევების გამო უეფას ლიცენზია ვერ მიიღო, ასეთი რამ კი შარშან "პარმას" დაემართა და თუ რით დასრულდა ეს ყველაფერი, კარგად მოგეხსენებათ. გენუელებმა აპელაცია შეიტანეს, საბოლოო გადაწყვეტილება კი უახლოეს დღეებში გვეცოდინება...
იხილეთ ვიდეო
სატურნირო ინტრიგა
ტურინში მარცხით "ნაპოლიმ" უაღრესად გაირთულა მდგომარეობა და მხოლოდ იმ შემთხვევაში მოხვდება ჩემპიონთა ლიგაზე, თუ რომაულ დერბიში "ლაციო" ქულასაც ვერ აიღებს და ბოლო ტურში ნეაპოლელები სწორედ "ბიანკოჩელესტეს" დაამარცხებენ. შესაბამისად, დერბი კიდევ უფრო დამაინტრიგებელი გახდა."პალერმოს" დამარცხებით, "ფიორენტინამ" ევროპალიგის ზონაში დაიბევა ადგილი, ამ ტურნირის მესამე საგზურის ბედი კი ბოლო ტურში გაირკვევა. და მაინც, სანამ ბოლო ტურზე გადავერთვებით, დღეს "დერბი დელა კაპიტალეა"...
იტალია. სერია A. XXXVII ტური
23 მაისი
იუვენტუსი-ნაპოლი 3:1
გოლები: 1:0 პერეირა (13), 1:1 დავიდ ლოპესი (50), 2:1 სტურარო (77), 3:1 პეპე (90-პენ.).
იუვენტუსი (4-3-1-2): ბუფონი - პადოინი, ბარძალი (46. ბონუჩი), ოგბონა, ასამოა - სტურარო, მარკიზიო (71. პირლო), პოგბა - პერეირა (79. პეპე) - მორატა, კომანი
ნაპოლი (4-2-3-1): ანდუხარი - მაჯო, ალბიოლი, ბრიტოსი, გულამი - გარგანო (78. ჟორჟინიო), დავიდ ლოპესი - მერტენსი, ინსინიე (68. ჰამშიკი), კალეხონი - იგუაინი (46. გაბიადინი)
გაფრთხილება: ასამოა - გულამი
გაძევება: ბრიტოსი (90. ნაპოლი)
კუთხური: 3-8; ჯარიმა: 14-11; თამაშგარე: 2-0; კარში დარტყმა: 7-12 (5-6); ბურთის ფლობა: 53%-47%
მაყურებელი: 41 000
ჯენოა-ინტერი 3:2
გოლები: 0:1 იკარდი (19), 1:1 პავოლეტი (24), 1:2 პალასიო (30), 2:2 ლესტინი (41), 3:2 კუჩკა (89)
ჯენოა (3-4-3): პერინი - რონკალია, ბურდისო, დე მაიო - ედენილსონი (90. ტამბე), რინკონი, ბერტოლაჩი, კუჩკა - ლესტინი (77. ლაქსალტი), იაგო (83. იძო), პავოლეტი
ინტერი (4-3-1-2): ჰანდანოვიჩი - დამბროზიო (87. პუშკაში), რანოკია, ჟუანი, ნაგატომო - კოვაჩიჩი, მედელი, ბროზოვიჩი (76. შაქირი) - ერნანესი - პალასიო (77. ბონაცოლი), იკარდი
გაფრთხილება: კუჩკა, დე მაიო, რონკალია - ბროზოვიჩი, ერნანესი, დამბროზიო, ჟუანი
კუთხური: 13-5; ჯარიმა: 14-11; თამაშგარე: 5-2; კარში დარტყმა: 13-8 (7-4); ბურთის ფლობა: 47%-53%
მაყურებელი: 35 000
24 მაისი
ემპოლი-სამპდორია 1:1
გოლები: 1:0 პუჩარელი (57), 1:1 ეტოო (90)
ემპოლი (4-3-1-2): ბასი - ლაურინი (75. მარიო რუი), რუგანი, ბარბა, უსაი - ვესინო, ვალდიფიორი, კროჩე - საპონარა (64. ზელინსკი) - მაკარონე, პუჩარელი (82. ტავანო)
სამპდორია (4-3-1-2): ვივიანო - დე სილვესტრი, სილვესტრი, რომანიოლი, რეჯინი - ასკუა (75. კორეა), პალომბო (65. დუნკანი), ობიანგი - სორიანო - მურიელი, დორდევიჩი (56. ეტოო)
გაფრთხილება: ვალდიფიორი, მაკარონე, ვესინო - ასკუა, მურიელი, რომანიოლი
კუთხური: 4-5; ჯარიმა: 12-14; თამაშგარე: 4-4; კარში დარტყმა: 13-10 (5-5); ბურთის ფლობა: 50%-50%
მაყურებელი: 16 000
ჩეზენა-კალიარი 0:1
გოლი: 0:1 საუ (90)
ჩეზენა (4-2-3-1): ალიარდი - ვოლტა, ლუკინი, კრაინჩი, რენძეტი - დე ფეუდისი, კაშონე -Eდალმონტე (62. ჯურიჩი), ბრიენცა, ტაბანელი (74. ზე ედუარდო) - დეფრელი (88. ალეჰანდრო)
კალიარი (4-3-1-2): ბრკიჩი - ბალცანო, როსეტინი, კაპუანო, მურუ - ჟოაო პედრო (73. ბარელა), კრიზეტიგი, ეკდალი - მპოკუ (88. ლონგო) - კოპი (62. საუ), ფარიასი
გაფრთხილება: დე ფეუდისი, ლუკინი, კაშონე (ჩეზენა)
კუთხური: 4-8; ჯარიმა: 20-15; თამაშგარე: 0-0; კარში დარტყმა: 12-15 (8-9); ბურთის ფლობა: 43%-57%
მაყურებელი: 10 000
პალერმო-ფიორენტინა 2:3
გოლები: 0:1 ილიჩიჩი (23), 1:1 მატო (26), 1:2 ჯილარდინო (33), 2:2 რიგონი (79), 2:3 ალონსო (78)
პალერმო (3-5-1-1): სორენტინო - ვიტიელო (59. ბელოტი), გონსალესი, ანდელკოვიჩი - კუაიზონი, რიგონი, ლაზაარი (77. დაპრელა), მატო, დელა როკა (66. რისპოლი) - ვასკესი - დიბალა
ფიორენტინა (4-3-1-2): ნეტო - ტომოვიჩი, სავიჩი, გონსალო, პასკუალი (68. ალონსო) - ფერნანდესი, კურტიჩი, პისარო - ილიჩიჩი (86. ბორხა ვალერო) - სალაჰი (30. ხოაკინი), ჯილარდინო
გაფრთხილება: რიგონი, კუაიზონი - გონსალო, პასკუალი, ნეტო
გაძევება: კურტიჩი (90. ფიორენტინა)
კუთხური: 7-8; ჯარიმა: 16-16; თამაშგარე: 3-3; კარში დარტყმა: 7-8(3-5); ბურთის ფლობა: 52%-48%
მაყურებელი: 18 000
პარმა-ვერონა 2:2
გოლები: 1:0 ნოჩერინო (21), 2:0 ვარელა (36), 2:1 ტონი (42), 2:2 ტონი (80-პენ.).
პარმა (4-5-1): მირანტე - კასანი, ლუკარელი, ფედალი, გობი - ვარელა, მაური, ნოჩერინო (76. გეზალი), ხორკერა (66. გალოპა), ლილა - პალადინო (89. ესპოზიტო)
ვერონა (4-3-3): რაფაელი - სალა, მარკესი, მორასი, აგოსტინი - ობადი (76. გრეკო), პანაიოტისი, ალფრედსონი - იანკოვიჩი (69. სავიოლა), ფერნანდინიო (57. ლოპესი), ტონი
გაფრთხილება: ლილა - ობადი, მორასი
კუთხური: 6-3; ჯარიმა: 11-11; თამაშგარე: 4-2; კარში დარტყმა: 10-9 (4-6); ბურთის ფლობა: 46%-54%
მაყურებელი: 10 000
უდინეზე-სასუოლო 0:1
გოლი: 0:1 მანიანელი (70)
უდინეზე (4-3-1-2): კარნეზისი (29. სკუფეტი) - ვიდმერი, დანილო, ბუბნიჩი, პირისი - ალანი, ბადუ (77. ფერნანდეში), კონე - გილიერმე - ტერო, პერიცა (46. დი ნატალე)
სასუოლო (4-3-3): კონსილი - ფონტანეზი, აჩერბი, კანავარო, პელუზო - მანიანელი (85. ფლოკარი), ჩიბსა (85. ტაიდერი), ბიონდინი - ფლორო ფლორესი (77. სანსონე), ბერარდი, ძაძა
გაფრთხილება: კონე - ბერარდი
გაძევება: გილიერმე (80. უდინეზე)
კუთხური: 11-4; ჯარიმა: 14-13; თამაშგარე: 1-0; კარში დარტყმა: 11-6 (2-3); ბურთის ფლობა: 58%-42%
მაყურებელი: 10 000
კიევო-ატალანტა 1:1
გოლები: 0:1 გომესი (48), 1:! პელისიერი (88)
კიევო (4-4-2): ბიძარი - ფრეი, ცეზარი, დაინელი, ზუკანოვიჩი (52. ბოტა) - სკელოტო, ისკო, რადოვანოვიჩი (59. კოფიე), ბირსა (70. პელისიერი) - პალოსკი, მეჯორინი
ატალანტა (4-3-3): სპორტიელო - ძაპაკოსტა, ბენალუანი, მაზიელო (68. სტენდარდო), დელ გროსო - ჩიგარინი, გრასი, ბაზელი - მორალესი, გომესი (63. ემანუელსონი), ბოაკე (46. როსეტი)
გაფრთხილება: ცეზარი (კიევო)
კუთხური: 5-5; ჯარიმა: 17-13; თამაშგარე: 2-2; კარში დარტყმა: 9-5 (6-2); ბურთის ფლობა: 45%-55%
მაყურებელი: 10 000
მილანი-ტორინო 3:0
გოლები: 1:0 ელ შაარავი (18), 2:0 პაცინი (57-პენ.), 3:0 ელ შაარავი (65)
მილანი (4-3-3): აბიატი - ძაკარდო, ალექსი (46. მექსე), პალეტა, ბოკეტი - ვან გინკელი, დე იონგი, პოლი (76. მასტალი) - ელ შაარავი (68. საპატა), ჰონდა, პაცინი
ტორინო (3-5-2): პადელი - დარმიანი, გლიკი, მორეტი - პერესი, ვივესი (55. ბენასი), გაცი (66. ბაშა), ელ ქადური, მოლინარო - მარტინესი (71. როსო), ამაური
გაფრთხილება: პოლი, ვან გინკელი, პაცინი, ჰონდა - მორეტი, გაცი
გაძევება: ძაკარდო (42) - მოლინარო (56)
კუთხური: 5-5; ჯარიმა: 9-18; თამაშგარე: 3-2; კარში დარტყმა: 10-8(5-3); ბურთის ფლობა: 54%-46%
მაყურებელი: 45 000
25 მაისი
ლაციო-რომა 20:00
ბომბარდირები: 21 - ლუკა ტონი (ვერონა); 20 - კარლოს ტევესი (იუვენტუსი), მაურო იკარდი (ინტერი); 16 - ჟერემი მენეზი (მილანი), გონსალო იგუაინი (ნაპოლი); 15 - მანოლო გაბიადინი (ნაპოლი); 14 - დომენიკო ბერარდი (სასუოლო), ანტონიო დი ნატალე (უდინეზე)
მომდევნო ტური
31 მაისი:
ტორინო-ჩეზენა, ფიორენტინა-კიევო, ინტერი-ემპოლი, სასუოლო-ჯენოა, ვერონა-იუვენტუსი, ნაპოლი-ლაციო, ატალანტა-მილანი, რომა-პალერმო, სამპდორია-პარმა, კალიარი-უდინეზე
ყოველდღიური სპორტული გაზეთი "ლელო"
