"მილანმა" სინიშა მიხაილოვიჩის მთავარ მწვრთნელად დანიშვნა ოფიციალურად გამოაცხადა. გენუის "სამპდორიას" ყოფილმა თავკაცმა კლუბთან კონტრაქტი 2017 წლამდე გააფორმცა."მომავალ სეზონში "მილანს" სინიშა მიხაილოვიჩი გაწვრთნის, რომელმაც კლუბთან შეთანხმებას ორი წლით მოაწერა ხელი. მას წარმატებულ საქმიანობას და საუკეთესო შედეგების მიღწევას ვუსურვებთ", - ნათქვამია კლუბის ოფიციალურ საიტზე გამოქვეყნებული განცხადებაში.
მიხაილოვიჩის ხელმძღვანელობით "სამპდორიამ" სერია A-ს გასულ სეზონში მეშვიდე ადგილი დაიკავა, რითაც ევროპა ლიგის საკვალიფიკაციო ეტაპის საგზური მოიპოვა. 46 წლის სერბ სპეციალისტს მანამდე "ბოლონიაში", "კატანიაში", "ფიორენტინას" და სერბეთის ნაკრებში უმუშავია.
