"ინტერის" მთავარი მწვრთნელი რობერტო მანჩინი მიიჩნევს, რომ მომდევნო სეზონში მისი გუნდი ჩემპიონთა ლიგის საგზურისთვის იბრძოლებს. აი, 2016/2017 წლების სეზონში კი უკვე ტიტულებსაც დაუმიზნებს. მანჩინიმ ჟურნალისტთა რამდენიმე კითხვას უპასუხა და ჟოზე მოურინიოზეც გამოთქვა საკუთარი მოსაზრება.
- რისთვის იბრძოლებს "ინტერი"?
- ჩემპიონთა ლიგის საგზურისთვის ვიბრძიოლებთ და დიდი მედი მაქვს, რომ მიზანს მივაღწევთ. აი, შემდეგი სეზონიდან კი ტროფეებს უნდა დავუმიზნოთ და დიდ სიმაღლეებს შევწვდეთ. ჩვენი გეგმით მივდივართ, რომელიც აუცილებლად გაამართლებს.
- "ინტერში" 2004-2008 წლებშიც კარგი შედეგები გქონდათ, მაგრამ მაინც გაგათავისუფლეს დაკავებული პოსტიდან...
-
- არ შეგშურდათ მოურინიოსი, რომელმაც ერთ სეზონში ტრიპლეტი შეასრულა?
- ეს ბუნებრივი რექციაა და ვადასტურებ, რომ ჟოზეს ადგილზე ყოფნა ძალიან მინდოდა. საბედნიეროდ, კიდევ ერთხელ მომეცა "ნერაძურიში" მუშაობის საშუალება და ყველაფერს გავაკეთებ, რომ არა მარტო იტალიაში, ევროპაშიც მივაღწიოთ წარმატებას.
- რას ფიქრობთ მოურინიოზე?
- ვფიქრობ, რომ ძალიან კარგი მწვრთნელია.
- ამჯერად თუ გრძნობთ სრულ ნდობას კლუბის მესვეურთა მხრიდან?
- კი, ნამდვილად ასეა და ეს უდიდეს სტიმულს მაძლევს. კარგი პროექტი გვაქვს შემუშავებული და კლუბის მესვეურები ბოლომდე მენდობიან. ყველაფერს გავაკეთებ, რომ ეს ნდობა გავამართლო.
ყოველდღიური სპორტული გაზეთი "ლელო"
