იტალიის ეროვნული ნაკრების მთავარი მწვრთნელი ანტონიო კონტე, რომელიც ზაფხულში ლონდონის "ჩელსის" მთავარი მწვრთნელი უნდა გახდეს, შესაძლოა, 6-თვიანი დისკვალიფიკაციით დაისაჯოს. ამის მიზეზი კი გარიგებულ მატჩებში სპეციალისტის სავარაუდო მონაწილეობაა. ინფორმაციას ამის შესახებ Goal-ი პროკურორზე დაყრდნობით ავრცელებს.
გამოძიების ვერსიით, 2010/11 წლების სეზონში კონტემ, რომელიც იმ დროს "სიენას" მთავარი მწვრთნელი იყო, დამალა ინფორმაცია რამდენიმე გარიგებული მატჩის შესახებ, რომლებშიც მისი გუნდი მონაწილეობდა. "სიენას" სერია A-ს საგზური განაღდებული, ხოლო სატურნირო მოტივაცია დაკარგული ჰქონდა.
კონტემ ამ საქმეზე 4-თვიანი დისკვალიფიკაცია უწინ უკვე მოიხადა, მაგრამ პროკურორი ახალ სასჯელს ითხოვს
