იტალიური "რომა" შესაძლოა შვედი ფორვარდით, ზლატან იბრაჰიმოვიჩით გაძლიერდეს. Sport Mediaset-ის ინფორმაციით, დედაქალაქურმა კლუბმა 34 წლის ფეხბურთელს ორწლიანი კონტრაქტი შესთავაზა, სადაც სეზონში ხელფასად 7 მლნ ევროა გათვალისწინებული.აღსანიშნავია, რომ იბრაჰიმოვიჩს "რომაში" გადასვლა თავისუფალი აგენტის სტატუსით შეუძლია. შვედმა ფრანგული "პარი სენ-ჟერმენი", კონტრაქტის ვადის ამოწურვის შემდეგ, ამ ზაფხულს დატოვა.
თავდამსხმელს სერია A-ში თამაშის მდიდარი გამოცდილება აქვს - სხვადასხვა დროს "იუვენტუსის", "ინტერისა" და "მილანის" ღირსებას იცავდა.
მანამდე ვრცელდებოდა ცნობა, რომლის თანახმად იბრაჰიმოვიჩი პსჟ-ის დატოვების შემდეგ, დიდი ალბათობით, კარიერას "მანჩესტერ იუნაიტედში" გააგრძელებს.
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
