იტალიური "ნაპოლის" არგენტინელმა თავდამსხმელმა გონსალო იგუაინმა უარი შეუთვალა ჩინურ კლუბ "ჰებეი ჩაინა ფორჩუნს", რომელიც ხელფასად 50 მლნ ევროს სთავაზობდა. ამის შესახებ Marca იუწყება.წყაროს ცნობით, არგენტინელმა ფეხბურთელმა უარის მიზეზად ის დაასახელა, რომ კვლავაც კონკურენტულ ლიგაში თამაში სურს.
საგულისხმოა, რომ ჩინელთა წინადადებაზე დათანხმების შემთხვევაში, იგუაინი მსოფლიოს ყველაზე მაღალანაზღაურებადი ფეხბურთელი გახდებოდა და ამ მხრივ უკან ჩამოიტოვებდა კრიშტიანო რონალდოსა და ლიონელ მესის.
არგენტინის ნაკრების 28 წლის ფორვარდი "ნაპოლის" ღირსებას 2013 წლიდან იცავს, სადაც მადრიდის "რეალიდან" გადავიდა.
