"ბორდოს" ახალი მთავარი მწვრთნელი ფრანსის ჟიიო დარწმუნებულია, რომ მისი ხელმძღვანელობით გუნდი ჩემპიონთა ლიგის ან ევროპის ლიგის საგზურისთვის აუცილებლად იბრძოლებს. "ვფიქრობ, ჩვენ შეგვიძლია სეზონი ხუთეულში დავასრულოთ. ვიცი, რომ "ლილს", "ლიონს" "მარსელსა" და პსჟ-ს ჩვენზე მეტი შესაძლებლობები აქვთ. შესაბამისად, მათ უფრო მაღალი მიზნებისთვის შეეძლებათ ბრძოლა. შეიძლება ისეც მოხდეს, რომ ლიდერთაგან რომელიმეს ფეხი დაუცდეს და ამით ჩვენ შეგვეძლება სარგებლობა. იმისთვის, რომ ბრძოლისუნარიანი გუნდი შევკრათ, მოთმინებაა საჭირო. ხომ ხედავთ, სრულიად ახალ გუნდს ვაყალიბებთ. მინდა ვისურვო, რომ ხელმძღვანელობამ და გულშემატკივარმა მშვიდი მუშაობის საშუალება მოგვცენ".
2008/09
ყოველდღიური სპორტული გაზეთი "ლელო"
