უაღრესად გამოცდილი იტალიელი მცველი ჯანლუკა ძამბროტა შესაძლოა, უახლოეს ხანში "პარი სენ ჟერმენში" გადავიდეს.იტალიური მასმედიის ცნობით, პარიზელთა თავკაცი კარლო ანჩელოტი შემადგენლობის გასაძლიერებლად თავისი თანამემამულის შეძენას გეგმავს.
ამ დროისთვის ჯანლუკა თავისუფალი აგენტია. ზაფხულში მას მთელ რიგ კლუბებს უკავშირებდნენ, მაგრამ ახლა პსჟ-ის გარდა, ერთადერთ ვარიანტად ბრაზილიურ "ფლამენგოს" განიხილავენ.
შეგახსენებთ, რომ 18 სექტემბერს პსჟ ჩემპიონთა ლიგის ჯგუფური ეტაპის მატჩს კიევის "დინამოსთან" გამართავს.
