საფრანგეთის ლიგა 1-ის მე-20 ტურის მატჩში "პარი სენ-ჟერმენმა" სტუმრად 2:1 დაამარცხა "აიაჩო".ყველასთვის მოულოდნელად მე-6 წუთზე ედუარდოს გოლით "აიაჩო" დაწინაურდა, თუმცა ამის შემდეგ პსჟ-ს უპირატესობა აშკარა გახდა.
41-ე წუთზე ზლატან იბრაჰიმოვიჩმა ცარიელ კართან მარტოდმარტო მყოფ ესეკილ ლავეცის გაატანინა. გამარჯვების გოლი კი 74-ე წუთზე გავიდა - იბრაჰიმოვიჩმა თავით დაუგდო ბლეზ მატუიდის, რომელმაც მასპინძელთა კარი თავითვე დალაშქრა.
ამ გამარჯვების შემდეგ პსჟ (47 ქულა) უკვე 5-ქულიანი უპირატესობით უსწრებს "მონაკოს", რომელმაც 10 იანვარს ქულები "მონპელიესთან" მატჩში დაკარგა (1:1), "აიაჩო" კი 9 ქულით უკანასკნელ ადგილზეა.
იხილეთ ვიდეო
![Sportall.Ge](/pictures/artimages/image16/dcd35abe90edfbded4d992f3813a96e0.jpg ""მონაკოსთან" 5-ქულიან უპირატესობას ხელიდან აღარ გავუშვებთ" [VIDEO]")
