აქა ამბავი ჩემპიონის დამუხრუჭებისა: ჩემპიონთა ლიგიდან გავარდნილმა "ოსერმა" ჯავრი მარსელის "ოლიმპიკზე" იყარა. მართალია, ვერ მოუგო, მაგრამ შინ მხოლოდ ქულა გაატანა - 1:1. ამით ბრწყინვალედ ისარგებლეს დაწინაურებულმა "ლილმა", "პარი სენ ჟერმენმა" და "ლიონმა".
ბურგუნდიაში "აბე დეშამზე" თამაში დიდიე დეშამის გუნდისთვის დიდებულად დაიწყო, თამაშის დასაწყისშივე ბრანდაოს ჩაწოდებას თავით ლოიკ რემი გამოეხმაურა და "მარსელი" დააწინაურა. არადა, გუნდს წინა ორ თამაშში გოლი საერთოდ არ ჰქონდა გატანილი, გასულ სეზონში კი "ოსერის" კარი ვერ დალაშქრეს სამხრეთელებმა. მოკლედ, დეშამმა იფიქრა, უსიამოვნო ტრადიცია დაირღვაო, მაგრამ მე-40 წუთზე სლოვენიელმა
დიდიე დეშამი (მარსელი): "ბიჭებით მაინც ვამაყობ, მათ ხომ ურთულეს კონდიციებში მოუწიათ თამაში. იმის მიუხედავად, რომ მხოლოდ ქულა მოვიპოვეთ, ვიტყვი, რომ მოედანზე მარტო ერთი გუნდი იყო, მეორე კი მისთვის ფეხბურთის თამაშში ხელის შეშლით იყო დაკავებული. ამას დავუმატოთ მსაჯების შეცდომები. მოკლედ, მე კმაყოფილი ვარ".
დრო გადიოდა, მაგრამ "ლილი" ვერაფერს უხერხებდა აუტსაიდერ "არლს" ავინიონში. "ლილის" ამოცანა ვერც იმან გააიოლა, რომ
მეორე ტაიმის დასაწყისში მსაჯმა აუტსაიდერი ათი კაცის ამარა დატოვა - ჯამელ აიტ ბენ იდირი გააძევა.
უკვე სენსაციაზე ალაპარაკდნენ, როცა მსაჯის მიერ დამატებულ მე-3 წუთზე ჩრდილოელთა 25 წლის ბრაზილიელმა ფორვარდმა ტულიო დე მელომ გამარჯვებისა შეაგდო. სხვათა შორის, რომ არა მიკაელ ლანდრო, "ლილს" შეეძლო წაგებაც კი - გამოცდილმა გოლკიპერმა სასწაულებრივ აიღო გაელ ჟერმანის დარტყმული.
რუდი გარსია (ლილი): "ძალიან მნიშვნელოვანი გამარჯვებაა. აქ ჩამოვედით და ველოდით დაძაბულ ბრძოლას, ასეც მოხდა. ლიგა 1-ში არ არსებობს იოლი თამაშები. ბიჭებს ბოლომდე სჯეროდათ, რომ მოიგებდნენ და ცდას არ აკლებდნენ, ამიტომაც დავსაჩუქრდით გამარჯვების გოლით. მინდა მეტოქე შევაქო, ასე თუ გააგრძელა, ლიგიდან არ გავარდება".
"პარი სენ ჟერმენს" 3 ქულა ნენემ მოუტანა, დედაქალაქელებმა სტუმრად "ვალანსიენს" ბრაზილიელის დუბლის წყალობით სძლიეს - 2:1.
ანტუან კამბუარე (პსჟ): "როცა შანსი გაქვს და თამაშს ვერ "კლავ", თავს ხიფათში იგდებ. ვიცოდით, რომ "ვალანსიენმა" არ იცის სიტყვა დანებების მნიშვნელობა. მოკლედ, ბეწვზე გადავრჩით. უფრო ზუსტად, მოვიგეთ იმიტომ, რომ გვყავს ბრწყინვალე ფეხბურთელი ნენე. მონსერ ნენე! მისმა ფანტასტიკურმა მეორე გოლმა 3 ქულა მოგვიტანა. ბოლო 20 თამაშში მხოლოდ ერთხელ წავაგეთ, ესე იგი ყველაფერი წესრიგშია ჩვენს გუნდში".
"ლიონმა" ლისანდრო ლოპესისა და ბაფეტიმბი გომისის გოლების წყალობით 2:0 დაამარცხა "ტულუზი" და ლიდერთან 2-ქულიანი ჩამორჩენა შეინარჩუნა, თანაც ჩემპიონს გადაუსწრო.
ვალანსიენი-პსჟ 1:2
გოლები: 0:1 ნენე (47), 1:1 აბუბაკარი (82), 1:2 ნენე (84)
ნანსი-სოშო 1:0
გოლი: 1:0 ლუიზი (74)
ლორიანი-ლანსი 3:0
გოლები: 1:0 ამალფიტანო (49), 2:0 კიტამბალა (56), 3:0 მვუემბა (74)
კაენი-ნიცა 0:0
ბრესტი-მონპელიე 0:0
არლი-ლილი 0:1
გოლი: 0:1 დე მელო (90)
გაძევება: ბენ იდირი (53. არლი)
ოსერი-მარსელი 1:1
გოლები: 0:1 რემი (9), 1:1 ბირსა (40)
გაძევება: მ'ბია (39. მარსელი)
ლიონი-ტულუზი 2:0
გოლები: 1:0 ლ. ლოპესი (5), 2:0 გომისი (34)
მონაკო-სენტ ეტიენი 0:2
გოლები: 0:1 ბატლე (20), 0:2 საკო (78)
თ მ ფ წ ბ ქ
1. ლილი 17 8 7 2 32-20 31
2. პსჟ 17 8 6 3 28-17 30
3. ლიონი 17 8 5 4 24-19 29
4. მარსელი 17 7 6 4 26-16 27
5. რენი 16 7 6 3 17-11 27
6. ბრესტი 17 7 5 5 19-14 26
7. სტ. ეტიენი 17 6 7 4 23-19 25
8. მონპელიე 17 7 4 6 14-18 25
9. სოშო 17 7 3 7 27-20 24
10. ბორდო 16 6 6 4 21-18 24
11. ლორიანი 17 7 3 7 22-21 24
12. ტულუზი 17 7 3 7 17-18 24
13. ნანსი 17 6 4 7 19-26 22
14. ოსერი 17 4 9 4 23-20 21
15. ნიცა 17 5 6 6 13-17 21
16. ვალანსიენი 17 4 7 6 19-19 19
17. მონაკო 17 2 9 6 15-17 15
18. კაენი 17 3 6 8 16-26 15
19. ლანსი 17 3 6 8 15-30 15
20. არლი 17 1 4 12 10-34 7
ბომბარდირები: 13 - სოუ (ლილი); 11 - ნენე (პსჟ); 10 - ელ-არაბი (კაენი); 8 - პაიე (სენტ ეტიენი), გამეირო (ლორიანი).
