საფრანგეთი. ლიგა 1. XXV ტური: 90 წუთი იბრაკადაბრადან აბრაკადაბრამდე [VIDEO]

ვიდეო: პსჟ-კაენი 2:2

ზლატან იბრაჰიმოვიჩმა მორიგი "იბრაკადაბრობა" ჩაიდინა - კიდევ ერთი აკრობატული გოლი შემატა თავის კოლექციას, მაგრამ საბოლოოდ, "კაენმა" სახტად დატოვა პსჟ...

არადა, მას მერე, რაც იბრაჰიმოვიჩის სწრაფ გოლს ესეკიელ ლავეციმ მეორე დაამატა და 89-ე წუთამდე 2:0 ძალაში იყო, არ მოიძებნებოდა ადამიანი, რომელიც 2:2-ს ივარაუდებდა, მაგრამ ემილიანო სალამ 89-ე წუთზე სხვაობა შეამცირა, ხოლო ერვი ბაზილმა ულამაზესი საჯარიმო დარტყმით გაათანაბრა და კაენელების წაუგებელი სერია 5 მატჩამდე გაიზარდა. პარიზელებმა ძალიან ძვირფასი ქულები დაკარგეს.

ასეთივე სენსაციური შედეგი და მსგავსი სცენარი იყო წინა დღით, ტურის პირველ შეხვედრაშიც.

მართალია, "ველოდრომზე" არა მასპინძლები, არამედ რეიმსელები დაწინაურდნენ, მაგრამ როდესაც აფრიკის ერთა თასიდან დაბრუნებულმა ანდრე აიუმ "მარსელი" წინ გაიყვანა, ცოტა თუ წარმოიდგენდა, რომ ბოლო წუთზე დავიდ ნ’გოგი წონასწორობას აღადგენდა და მარსელო ბიელსას ბიჭები ისევ წაბორძიკდებოდნენ. მათ უკანასკნელ 4 ტურში მხოლოდ 1 გამარჯვება აქვთ.

ეს ყველაფერი "ლიონს" შესანიშნავ შანსს აძლევდა. უბერ ფურნიე ნებისმიერ შემთხვევაში პირველ ადგილზე დარჩებოდა, მაგრამ მის გუნდს სხვაობის 4 ქულამდე გაზრდის ბრწყინვალე შანსი მიეცა, თუმცა მაქსიმუმი, რაც ლიონელებმა "ლორიანთან" რთული სტუმრობისას შეძლეს, ქულის გადარჩენა იყო. ისევ არ გახლდათ ალექსანდრ ლაკაზეტი და კვლავ გაიტანა კლინტონ ნ’ჟიმ.

საფრანგეთი. ლიგა 1. XXV ტური
მარსელი-რეიმსი 2:2
გოლები: 0:1 დე პრევილი (6), 1:1 პაიე (58), 2:1 ა. აიუ (69), 2:2 ნ’გოგი (90)

პსჟ-კაენი 2:2
გოლები: 1:0 იბრაჰიმოვიჩი (2), 2:0 ლავეცი (40), 2:1 სალა (89), 2:2 ბაზილი (90+2)
პსჟ (4-3-3): სირიგუ - ორიე, მარკინიოსი (46. დავიდ ლუისი), ტიაგო სილვა, მაქსველი - ვერატი, კაბაი (16. რაბიო), მატუიდი (68. ვან დერ ვილი) - ლუკასი, ლავეცი, იბრაჰიმოვიჩი

ლანსი-ევიანი 0:2
გოლები: 0:1 დუამელი (19), 0:2 დუამელი (35)
გაძევება: ბაალი (90+2), ვასი (90+2)

ლილი-ნიცა 0:0
გაძევება: სიდიბე (42. ლილი)

მონაკო-მონპელიე გადაიდო

ნანტი-ბასტია 0:2
გოლები: 0:1 სიო (30), 0:2 აიიტე (75)
გაძევება: არისტეგიეტა (64)

ტულუზი-რენი 2:1
გოლები: 1:0 ტრეხო (9), 1:1 ტოივონენი (82), 2:1 პეშიჩი (84)

ბორდო-სტ. ეტიენი 1:0
გოლი: 1:0 როლანი (42)

მეცი-გენგამი 0:2
გოლები: 0:1 მანდანი (26), პიე (39)

ლორიანი-ლიონი 1:1
გოლები: 1:0 ჯ. აიუ (50), 1:1 ნ’ჟი (77)

ბომბარდირები: 21 - ალექსანდრ ლაკაზეტი (ლიონი); 14 - ანდრე-პიერ ჟინიაკი (მარსელი); 11 - კლაუდიო ბოვიუ (გენგამი), ზლატან იბრაჰიმოვიჩი (პსჟ).

მომდევნო ტური
20 თებერვალი:
ნიცა-მონაკო

21 თებერვალი:
პსჟ-ტულუზი, ბასტია-ლილი, კაენი-ლანსი, ევიანი-ლორიანი, რენი-ბორდო

22 თებერვალი:
გენგამი-მონპელიე, ლიონი-ნანტი, რეიმსი-მეცი, სტ. ეტიენი-მარსელი

ყოველდღიური სპორტული გაზეთი "ლელო"