ბრაზილიელი მცველი დავიდ ლუისი ამბობს, რომ ჟოზე მოურინიო მისთვის "განსაკუთრებული" არ არის. როგორც იცით, დავიდ ლუისსა და პორტუგალიელს შორის გარკვეული უთანხმოება იყო და საბოლოოდ, ლონდონელებმა იგი პსჟ-ს მიჰყიდეს კიდეც."მოურინიო განსაკუთრებული თქვენთვისაა, მაგრამ არა ჩემთვის. ლონდონის "ჩელსიში" ბრწყინვალე პერიოდი გავატარე და ბევრი ტიტული მოვიგე, იქ ბედნიერი ვიყავი. "ჩელსის" ახლაც კარგი სეზონი აქვს და უმაღლესი კლასის ფეხბურთელებითაა დაკომპლექტებული, თუმცა შევეცდებით, გოლი გავუტანოთ და ჩვენი საუკეთესო ფეხბურთი ვითამაშოთ" - განაცხადა დავიდ ლუისმა.
"ჩელსისა" და "პარი სენ-ჟერმენს" შორის პირველი მატჩი პარიზში 1:1 დასრულდა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
