ურუგვაის ნაკრების მთავარმა მწვრთნელმა ოსკარ ტაბარესმა საბოლოო განაცხადში მოხვედრილი 17 ფეხბურთელის ვინაობა ამცნო საზოგადოებას. უმრავლესობა ადგილობრივ ჩემპიონატში გამოდის, თუმცა "სელესტემ" ევროპული გრანდებიდან სერიოზული შევსება მიიღო.
"ლივერპულმა" სამხრეთამერიკელებს ორი ფეხბურთელი დაუთმო - ლუის სუარესი და სებასტიან კოატესი.
ტაბარესის განკარგულებაში იქნება ასევე "ნაპოლის" სუპერფორვარდი ედინსონ კავანი. ჯგუფურ ეტაპზე ურუგვაელებს დიდი ბრიტანეთის, სენეგალისა და არაბეთის გაერთიანებული საემიროების წინააღმდეგ მოუწევთ ბრძოლა.
მე-18 ფეხბურთელის ვინაობას გუნდის თავკაცი რამდენიმე დღეში დაასახელებს.
შემადგენლობა ჯერჯერობით ასე გამოიყურება:
მეკარეები: მარტინ კამპანა (სერო ლარგო), ლეანდრო გელპი (პენიაროლი)
მცველები: მატიას აგირეგარაი
ნახევარმცველები: მაქსიმილიანო კალსადა (ნასიონალი), ნიკოლას ლოდეირო (ბოტაფოგო), გასტონ რამირესი (ბოლონია), ედიგიო არევალდო რიოსი (პალერმო), ჯონათან ურუეტავისკაია (ვიტორია გიმარაეში), ტაბარე ვიუდესი (ნასიონალი)
თავდამსხმელი: ედინსონ კავანი (ნაპოლი), ლუის სუარესი (ლივერპული), აბელ ერნანდესი (პალერმო)
ყოველდღიური სპორტული გაზეთი "ლელო"
