სენსაციური შედეგი დაფიქსირდა მონტევიდეოში, სადაც "ნასიონალმა" "რეალ გარსილასოს" 1:0 კი მოუგო, მაგრამ, ვინაიდან ურუგვალებს პირველი შეხვედრა ანალოგიური ანგარიშით ჰქონდათ წაგებული, გამარჯვებულის გამოსავლენად პენალტების სერია გახდა საჭირო, სადაც უფრო მტკიცე ნერვები გამოუცდელ პერუელებს აღმოაჩნდათ. ლიბერტადორესის თასის 3-გზის გამარჯვებული და სამხრეთ ამერიკის ერთ-ერთი გრანდი ტურნირს გამოეთიშა, დებიუტანტი "რეალ გარსილასო", რომელიც სულ რაღაც 3 (!) წლის არის, მეოთხედფინალში გავიდა, სადაც "გრემიო"-"სანტა ფეს" წყვილში გამარჯვებულს უნდა შეხვდეს.
90 წუთის განმავლობაში (ლიბერტადორესის თასზე დამატებითი დრო არ ინიშნება) უპირატესობას მასპინძლები ფლობდნენ და მათ არაერთი გოლის გატანა
აი, ასე - 113 წლის "ნასიონალმა" 3 წლის "რეალ გარსილასოსთან" წააგო, რომელიც 2009 წელს ქალაქ კუსკოს სტუდენტებმა დააარსეს. "გარსილასო" უმაღლეს ლიგაში გატარებულ პირველივე სეზონში ვიცე-ჩემპიონი გახდა, ისიც პერუს ჩემპიონატის უცნაური სისტემის გამო - გუნდმა ფინალში "სპორტინგ კრისტალს" 1:0 მოუგო, საპასუხო მატჩი 0:1 წააგო, მაგრამ ჩემპიონი "სპორტინგი" გახდა, რადგან რეგულარულ ჩემპიონატში მეტი ქულა მოაგროვა. "სპორტინგ კრისტალი" ლიბერტადორესის თასზე ჯგუფში ჩარჩა, "გარსილასო" კი უკვე 1/4 ფინალშია და 2013 წლის მთავარი სენსაციის ავტორია.
ლიბერტადორესის თასი. 1/8 ფინალი. საპასუხო მატჩი
ნასიონალი-გარსილასო 1:0 პენ. 1:4
(პირველი მატჩი: 0:1)
გოლი: 1:0 გ. ბუენო (56).
პენალტების სერია: 0:1 ფ. რამოსი, 0:1 რეკობა (მეკარე), 0:2 ვ. ფერეირა, 1:2 რომერო, 1:3 კ. ვილდოსო, 1:3 დ. არისმენდი (ააცილა), 1:4 გამარა.
ნასიონალი (4-4-2): ბავა, პ. ალვარესი, რომერო, კორტესი, ხ. დიასი - დე პენია, დამონტე, დ. არისმენდი, ვ. სანჩესი (75. რ. სესარი) - მედინა (59. აბრეუ), გ. ბუენო (59. რეკობა).
რეალ გარსილასო (4-4-1-1): დ. კარანსა - ხ. ერერა, ბოგადო, გუადალუპე, სანტილიანი - კამარინო (87. მ. მონტესი), რეტამოსო, სალასარი (75. კ. ვილდოსო), გამარა - ფ. რამოსი - ვ. ფერეირა.
ყოველდღიური სპორტული გაზეთი "ლელო"
ასევე იხილეთ:
"ატლეტიკომ" "სან პაულო" შეარცხვინა; "ფლუს" გაუჭირდა, მაგრამ მაინც გავიდა
