ლიბერტადორესის თასზე მერვედფინალური ეტაპი დასრულდა და მეოთხედფინალის ყველა მონაწილე გაირკვა. ასუნსიონში, პარაგვაის 39-გზის ჩემპიონმა არგენტინულ "ტიგრეს" უმასპინძლა, რომელთანაც პირველი თამაში 1:2 ჰქონდა წაგებული. პირველ ტაიმში საგოლე მომენტები ორივე გუნდს ჰქონდა. მასპინძლების მხრიდან გოლის გატანა რიჩარდ ორტისს მართებდა, მაგრამ იმ ეპიზოდში საოცარი სეივი შემოგვთავაზა ხავიერ გარსიამ, ვინც საკუთარი გუნდი სასწაულებრივად გადაარჩინა. ამის შემდეგ, ანგარიშის გახსნა უკვე სტუმრებს შეეძლოთ, მაგრამ შეტევაში ჩართული მარიანო ეჩევერიას თავური დარტყმა მარტინ სილვამ მოიგერია.
მეორე ნახევრის დებიუტი კოშმარული გამოდგა ნორბერტო პაპარატოსთვის - "ტიგრეს" 29 წლის მცველმა, 50-ე
პაპარატოს კოშმარი ამით არ დასრულებულა. 65-ე წუთზე, მორიგი კუთხურის შემდეგ, მცველმა ბურთი საკუთარ კარში ჩაჭრა და შეხვედრის საბოლოო ანგარიში დააფიქსირა. 2:0 და "ოლიმპია" 1/4 ფინალში გავიდა, სადაც მისი მეტოქე "ფლუმინენსე" იქნება.
ბოლო მერვედფინალში "სანტა ფემ" "გრემიოს" უმასპინძლა და ამ ეტაპის ერთ-ერთი მთავარი სენსაცია მოახდინა. კოლუმბიურმა გუნდმა, ტურნირის ერთ-ერთ ფავორიტად მიჩნეულ "გრემიოს" 1:0 მოუგო და სტუმრად გატანილი მეტი ბურთის წყალობით, მომდევნო ეტაპზე გავიდა. შეხვედრის ერთადერთი ბურთი მასპინძლებმა მე-80 წუთზე გაიტანეს. შეხვედრის გმირი ვილდერ მედინა გახდა - 32 წლის შემტევმა, რომელიც "სანტა ფეში" ამ სეზონის დაწყების წინ გადავიდა, ტურნირზე თავისი მეორე გოლი გაიტანა.
"დღევანდელი დღე არასდროს დაგვავიწყდება. საოცარი მატჩი ჩავატარეთ და დამსახურებული გამარჯვება მოვიპოვეთ. ისინი დაცვიდან გვეთამაშებოდნენ, დიდა შესანიშნავი იყო, მაგრამ მე დარწმუნებული ვიყავი, რომ ადრე თუ გვიან გოლს მაინც გავიტანდი," - განაცხადა ბედნიერმა მედინამ.
1941 წელს დაარსებული "სანტე ფე", რომელიც ლიბერტადორესის თასზე მეშვიდედ მონაწილეობს, მომდევნო ეტაპზე "რეალ გარსილასოს" შეხვდება, რომელიც ამ ტურნირის დებიუტანტია. კოლუმბიელებს საკმაოდ კარგი შანსი აქვთ, რომ თავის ისტორიაში საუკეთესო მიღწევა გაიმეორონ და ნახევარფინალში გავიდნენ. ამ ეტაპზე "სანტა ფემ" სადებიუტო სეზონში, 1961 წელს გააღწია.
მეოთხედფინალის პირველი მატჩები 22 მაისს გაიმართება. ერთმანეთს შეხვდებიან:
"ტიხუანა"-"ატლეტიკო მინეირო"
"რეალ გარსილასო"-"სანტა ფე"
"ფლუმინენსე"-"ოლიმპია"
"ბოკა ხუნიორსი"-"ნიუელს ოლდ ბოისი"
ლიბერტადორესის თასი. 1/8 ფინალი. საპასუხო მატჩები
ოლიმპია-ტიგრე 2:0 (1:2)
გოლები: 1:0 ბარეირო (52), 2:0 პაპარატო (65-საკ. კარში)
ოლიმპია (3-5-1-1): მ. სილვა - კანდია, მანსური, მირანდა - ა. ხიმენესი (46. ხ. ბაესი), ა. სილვა (46. ხ. ფერეირა), რ. ორტისი, არანდა, არიოსა - სალგეირო (84. ფ. კაბალიერო) - ბარეირო.
ტიგრე (3-5-1-1): ხ. გარსია (56. ალბილი) - პაპარატო, ეჩევერია, ორბანი - გალმარინი, დ. ფერეირა (61. სანტანდერი), პენიალბა, გ. დიასი, ლეონე - პერეს გარსია - ლეგისამონი (71. ფტაკლა).
სანტა ფე-გრემიო 1:0 (1:2)
გოლი: 1:0 ვ. მედინა (80).
სანტა ფე (4-4-2): კ. ვარგასი - ანჩიკო, კ. ვალდესი, მესა, მ. გარსია - ო. პერესი, დ. ტორესი (78. ჯ. ვალენსია), ბედოია, კუერო (60. ე. მოლინა) - მარტინეს ბორხა (88. კინონესი), ვ. მედინა.
გრემიო (4-4-2): დიდა - პარა, ვერლეი, ბრესანი, ანდრე სანტოსი - ელანო (82. კლებერი), ფერნანდო (87. მარკო ანტონიო), სოუზა, ზე რობერტო - ბარკოსი (85. ველიტონი), ე. ვარგასი.
ბომბარდირები: 6 - ჟო (ატლეტიკო მინეირო); 5 - ბარეირო (ოლიპია), დიეგო ტარდელი (ატლეტიკო მინეირო), სკოკო (ნიუელს ოლდ ბოისი), ლუიშ ფაბიანო (სან პაულო), ბრიან როდრიგესი (უაჩიპატო).
ყოველდღიური სპორტული გაზეთი "ლელო"
ასევე იხილეთ:
ჩემპიონი გავარდა
