მადრიდის "რეალისა" და ბრაზილიის ნაკრების ყოფილი თავდამსხმელი რონალდო დიდ ფეხბურთში დაბრუნებაზე სერიოზულად ფიქრობს.თუკი 38 წლის ბრაზილიელი ლეგენდა მოთამაშის კარიერას მაინც განაახლებს, ამას ამერიკულ კლუბ "ფორტ-ლოდერდეილ სტრაიკერსში" გააკეთებს.
რონალდო 2006 წელს დაარსებული ამ კლუბის თანამფლობელი ახლახან გახდა. ამჟამად "ფორტ-ლოდერდეილ სტრაიკერსი" ჩრდილოამერიკულ საფეხბურთო ლიგის (NASL) მეორე დივიზიონში გამოდის.
"ვაპირებ, აქტიურად ჩავერთო გუნდის ფორმირებასა და აქციებში, რომლებიც კლუბის განვითარებასა და გაძლიერებას წაადგება.
საერთოდ კი, ეჭვგარეშეა, აშშ-ში ფეხბურთი ვითარდება!", - აქვეყნებს რონალდოს ნათქვამს O Estado de Sao Paulo.
