ჩვენი დროით 14 ნოემბერს, გამთენიისას, მსოფლიოს 2018 წლის ჩემპიონატის სამხრეთამერიკულ შესარჩევ ციკლში მესამე ტურის ბოლო შეხვედრა ჩატარდა. ბუენოს-აირესში არგენტინის ეროვნულმა გუნდმა ბრაზილიის ნაკრები მიიღო. შეხვედრა ფრედ 1:1 დასრულდა.
ამრიგად, ხერარდო მარტინოს გუნდმა, ისტორიაში პირველად, მსოფლიოს ჩემპიონატის შესარჩევის პირველი სამ მატჩიდან ვერცერთის მოგება შეძლო. შეგახსენებთ, რომ არგენტინელებმა წინა შეხვედრა პარაგვაისთან ფრედ (0:0) დაასრულეს, იქამდე კი ეკვადორთან დამარცხდნენ (0:2).
მასპინძლები ანგარიშში 34-ე წუთზე, ესეკიელ ლავეცის ზუსტი დარტყმით დაწინაურდნენ, 58-ე წუთზე კი ბრაზილიელთა ნახევარმცველმა ლუკას ლიმამ წონასწორობა აღადგინა.
თამაშის მიწურულს მოედანიდან სტუმართა მცველი დავიდ ლუისი გააძევეს, თუმცა არგენტინელებმა რიცხობრივი უპირატესობა ვერ გამოიყენეს.
ბრაზილიის ნაკრებს სამ მატჩში მოპოვებული 4 ქულა აქვს და ცხრილში მეოთხე ადგილს პარაგვაისა და კოლუმბიის ნაკრებებთან იყოფს. არგენტინელები კი, რომელთა აქტივში 2 ქულაა, ბოლოსწინა, მეცხრე პოზიციაზე არიან.
09:58 14-11-2015
არგენტინა-ბრაზილია 1:1 - ხერარდო მარტინო ისევ ვერ იგებს [VIDEO]
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
ასევე დაგაინტერესებთ
![ნეიმარმა პელეს რეკორდი მოხსნა - ბრაზილიამ ბოლივია გაანადგურა [VIDEO]](/pictures/image7/9b0f918a5c5f0e2fef29d3fb284dfcd3.jpg "ნეიმარმა პელეს რეკორდი მოხსნა - ბრაზილიამ ბოლივია გაანადგურა [VIDEO]")
უძრავი ქონება
250.00 k
350.00 k
სიახლეები
პოპულარული
